藝人施明今日（22日）於大圍寶福紀念館設靈，獨力承擔喪禮事宜的長子李泳漢，多次表明為遵從母親遺願，堅持不讓弟婦、李泳豪的太太Agnes到靈堂，因對方由始至終沒有尊重過母親，即使結婚施明亦未獲邀請，結果引起連串家庭風波。雖然遭父親李家鼎多次公開指責，但李泳漢回應傳媒時表示，為守住母親最後尊嚴，絕對不會讓步，亦暗示父親受人操控，情非得已。昨晚李家鼎突然又爆料，再對李泳漢作出更激烈的指控。當中針對施明沒有不喜歡Agnes，並提供二人開心合照力證，他還揚言決定喪禮後，缺席解穢酒，以示對李泳漢不滿。
對於在母親喪禮前夕，再次面對父親的指控，李泳漢表示也無可奈何，並指：「自從我通知咗鼎爺、李泳豪有關喪禮日期同訃聞，佢哋完全已讀不回，冇主動問過一句喪禮任何事，剩係不停散播對我不實言論，其實鼎爺都80歲，我又係佢個仔，佢點講得出咁多所謂『事實』，點解聽日已經設靈，今日仲要衝住我嚟，好明顯想幫個女人洗白（Agnes），名正言順入靈堂。（你爸爸話唔會去解穢酒？）呢個係施明喪禮，出席解穢酒係對施明最後尊重，有心自然會嚟。」
李家鼎在訪問中再三強調施明滿意Agnes，並公開施明與Agnes合照，推翻李泳漢所指施明不喜歡Agnes之說。李泳漢說母親當然不會一開始就不喜歡對方，但拍拖不到兩個月已經「現晒形」，他說：「佢3個月已經將頭家搞散，分割兩母子，仲同媽媽講條件：『你個仔依家同我一齊，乜都要聽晒我講，我唔鍾意同你一齊住，就算住隔離左右都唔得。』之後李泳豪就同我哋斷聯，大約一個月後我同李泳豪生日，鼎爺忽然搵媽媽話要喺佢私房菜擺幾圍，請埋其他親戚朋友食飯，媽媽都覺得好奇怪，咁耐冇搵點會叫食飯，但識穿佢成日趁機會影啲「溫馨」相，然後畀相熟傳媒刊登，因為之前已經發生過好多次，所以媽媽講明席上唔可以影相，點知個女人叫李泳豪挾住一邊，佢一手就搭住媽媽膊頭，然後就叫人快啲影相，媽媽一手揈開佢，在場所有人都睇到。」
當中李家鼎又直指當年李泳漢結婚有負擔婚禮費用，之後更安排李泳漢做掛名助力，每月出糧5、6萬做家用，坦言養了他們一家7、8年，連孫仔的學費、保險費等也是由他支付。李泳漢聞言說：「當然唔係事實啦，我結婚冇叫過鼎爺出錢，即使我去佢私房菜打工亦係從低做起，每月大約萬五蚊人工都係公司出，所以當時為慳錢日日坐巴士。」
本文作轉載及備份之用 來源 source: http://hk.on.cc
|
鍾意就快D Share啦！
|
|
|