黃夏蕙表示不知道施明的家事，問到知否施明同兩個新抱相處怎樣？黃夏蕙說：「佢哋關係好好。（話佢唔鍾意細新抱？）我從來唔知呢啲事。（佢有無提過財產分配？）無提呢啲，施明佢都無諗過自己咁早過身，嗰時大家相處得好好。（會唔會做中間人勸下兩兄弟？）我叫咗佢哋乖乖哋，佢哋都應承我唔再麻煩人。我都有叫鼎爺節哀，佢瘦咗老咗無咁精明，有安慰下佢。」她透露和施明以往都會互相幫忙，施明入院後她未有去探望。黃夏蕙說：「佢唔畀我探，無話我知佢病咗入院，佢好低調，唔畀人知佢啲嘢，我都無打電話畀佢，無事唔會特登打電話，對上一次係演唱會見。（有報道話鼎爺被李泳豪監控？）我覺得唔會監控，一個人點會畀人監控到，以我所知唔會。我有叫佢哋兩兄弟唔好亂嚟，有咩事搵我同你哋搞。」她又謂未有瞻仰遺容，明天會再來送別施明最後一程。
本文作轉載及備份之用 來源 source: http://www.hk01.com
|
鍾意就快D Share啦！
|
|
|