陳山聰談跑步重要性
陳山聰認為跑步能使人充滿正能量，更可訓練堅持與耐性。為了跑一次馬拉松比賽，山聰坦言要花一年時間練習，所以堅持是非常重要。
談到如何培養跑步興趣，山聰認為要自己找到樂趣，他舉例指周潤發喜歡一班人跑：「發哥亦希望一班老人家陪佢一齊跑，佢會用老人家嘅節奏去跑。我都試過同發哥跑，佢會就番我嘅節奏去跑，因為佢知我快，佢亦可以快，所以我覺得呢個係好正嘅運動。」
高海寧迷惘期遭周潤發點醒
高Ling稱曾有一段時間感到迷惘，不知道人生方向，機緣巧合下跟發哥一齊跑步：「佢會就我節奏，佢話『你係新人，帶一次你先』。過程中都有傾偈，佢話『高Ling，隻手揸到咁實，入面乜都冇㗎，你一定要放開佢，你先可以重新有個空間去追求你想擁有嘅嘢』。」高Ling很感激發哥啟發了自己之後的人生選擇。
黃佩霞談瑜伽心得
由模特兒、演員成功轉型做瑜伽導師的黃佩霞，指導高Ling做高難度瑜伽動作。一直有練瑜伽的高Ling身體柔軟度極高，做高難度動作應付自如兼美感十足。
黃佩霞坦言已視瑜伽導師為終身職業，並指瑜伽除了可保持體態和健康外，最重要能放鬆心情，因為若身心不健康，就算再富有都不能Grand住享樂人生。高Ling表示眾多運動中，最喜歡做瑜伽。想知高Ling點解最鍾意做瑜伽？想睇高Ling的優雅瑜伽美態？還有高Ling和山聰於節目中會使用「行山神器」，只需用少少力就可輕鬆行山，想知「行山神器」點用？就要收睇明晚播映的《Grand住享樂人生》。
本文作轉載及備份之用 來源 source: http://www.hk01.com
|
鍾意就快D Share啦！
|
|
|