熱爆娛樂: 睇樓團騙案｜港爸疑墮￥18萬「內地睇樓團」水魚局　中山買車位尾數港鐵站現金交收？！ #港鐵

2026年5月24日星期日

睇樓團騙案｜港爸疑墮￥18萬「內地睇樓團」水魚局　中山買車位尾數港鐵站現金交收？！ #港鐵

▲港爸疑墮￥18萬「內地睇樓團」水魚局，中山買車位尾數港鐵站現金交收？！

大灣區樓盤不時會組織「睇樓團」，邀請港人北上參觀了解置業或投資，一定要甄別其真實性，以免誤墮騙局。

近日，有男生在連登討論區發帖，指爸爸早前到中山參加「睇樓團」，被遊說以約21.5萬港元（18.8萬人民幣）購買車位做投資，且已支付首期10萬元，而尾款被要求到港鐵站現金交收，令樓主認為事出反常，懷疑是投資騙局……

睇樓團騙案｜港爸花￥18萬中山買車位　尾數港鐵站現金交收

樓主以「老公中咗睇樓團水魚」為題發帖，指父親早前得到內地參加了幾次「睇樓團」，被人遊說購買中山新樓盤屋苑的停車位，聲稱充電車位「回報勁高」，要價約21.5萬港元。他透露，父親被成功說服簽約購買，並已支十幾萬的首期。

▲港爸疑墮￥18萬「內地睇樓團」水魚局，中山買車位尾數港鐵站現金交收。（AI生成圖片）

至於尾款，被對方要求到港鐵站以現金交收9萬餘元；樓主了解完事件後，認為爸爸大概率被騙，惟給他看了相關影片後「死唔肯認自己俾人呃，堅持聽日送多9萬蚊俾人」，不過在樓主「講到口水都乾」勸說後，成功拖延了一個星期再付錢。他無奈求助網民：「點樣可以阻止佢？之前畀個十幾萬有冇機會拎返？可以點搞？」

睇樓團騙案｜網民震驚：20萬已經夠買細單位

帖文引來網民熱議，紛紛留言寬慰樓主，並提出應對方法，「call埋阿媽、警察一齊等老豆交收」、「有錢俾人呃，好事嚟，證明你屋企唔差」、「18萬中山車位，呃佢嗰個片子可能都不敢相信」、「我建議你依家搵個朋友夾埋呃返你老竇轉頭，扮就係交收嗰條友自己攞返個9皮好過」、「中山幾十幾萬已經買到樓，仲要唔值錢」。

市民如懷疑遭遇詐騙應立即採取行動，致電香港警務處「防騙易18222」熱線（24小時）或999報警；或善用防騙視伏器 (Scameter)，在網上搜尋器輸入可疑轉帳帳號、網址或電話號碼，核實風險。