藝人羅天宇與周志康早前齊齊挑戰《中年好聲音4》，身為緊張大師的天宇表示今次是燃燒生命去比賽，每次上場心跳爆錶，笑言「命都短幾年」。而本身歌唱比賽出身的志康表現獲激讚，被看好劍指三甲，他直言唱歌對他來說是終身事業，若將來工作量9成都圍繞音樂，簡直求之不得。
無綫藝人羅天宇、周志康由公司同事、波友「升呢」到好兄弟，最近二人更成為戰友，齊齊參加《中年好聲音4》，天宇最終24強止步，志康則成功殺入18強。同屬i人的他們今次離開舒適圈，勇敢挑戰，尤其天宇本身非歌手出身，坦言相當緊張，每逢開拍新劇例必失眠及生白頭髮的他，指今次比賽的緊張程度創人生高峰。「比賽現場我一定係心跳率冠軍，我估有140、150，大家唔止聽到我嘅心跳聲，隔住件衫都會見到我個心跳，真係好恐怖。」雖然志康大讚兄弟勇敢，但亦直指覺得天宇有點心率問題，天宇揚言是用生命去比賽：「我覺得參加咗呢個比賽我命都短幾年，因為心臟負荷太大。」他笑言有人曾提議他服用鎮靜劑，隨時要自備心臟起搏器及氧氣罩。
《超級巨星》出身的志康雖然有比賽經驗，不似天宇般緊張，但他指也因比賽而生白頭髮，曾試過因挑選了一首不太熟悉的歌曲，加上綵排不如理想，比賽前一晚嚴重失眠兼萌生改歌的念頭，幸最後出來效果反而不俗。談到不少人對他寄予厚望，他指對自己都有信心，坦言：「我知道自己嘅實力，係可以唱得好好，但目前為止最好都只係發揮到八成，平均只有六、七成。好多人都遺忘咗我係鍾意唱歌嘅人，其實觀眾唔討厭已經係好幸福，睇節目嘅觀眾都好友善、好有同理心，收到好多正面評語，好多謝佢哋。」
天宇為了參賽找了5位來自內地、台灣及外國的唱歌老師作指導，誠意十足，雖然最終被淘汰，但他已覺收穫滿滿。「《中》係一個雞精班，除咗有評判指導，參賽者都係高手，真係會遇強愈強，令我急促成長。」他稱以往每次拍劇都會向監製自薦唱劇集歌，但每每落空，故望藉着今次比賽建立大家對他在唱歌方面的信心，最理想是演戲及唱歌工作量各佔一半。至於志康直言唱歌對他來說是終身事業，若將來的工作量9成都是圍繞音樂，他簡直求之不得，但一切都要看公司安排，問到會否期望兩人一起開演唱會？他表示：「當然好想，所有表演都係自己安排，相信會好享受，亦冇比賽咁大壓力。」
兩人比賽第二，友誼第一，志康大讚天宇是他在圈中認識的人之中最善良的一位：「我對善良嘅人係抗拒唔到，加上大家又傾到心事，佢好關心我、好細心又有禮貌。」他揚言如果自己是女生，一定會喜歡對方：「就算佢唔鍾意我，我都會溝佢，我係誓要得到呢個男人，我真係會。」天宇指兩人因多年前一齊組籃球隊打街場而打出兄弟情，並視對方為家人：「雖然佢年紀上細過我，但感覺上好似我哥哥，因為我細個好自閉，成日收埋自己，出來工作都無辦法望住人哋對眼講嘢，有社恐，依家一個訪問講嘅嘢係我以前一年嘅說話量，待人處事同表達係零，佢好肯同我分享，會教我待人處事同價值觀。」
場地：鮨勘@海港城
本文作轉載及備份之用 來源 source: http://hk.on.cc
|
鍾意就快D Share啦！
|
|
|