「CHILL CLUB推介榜年度推介25/26」頒獎禮今晚舉行，姜濤首次摘下「年度男歌手」金獎，攞足4年銀獎的他打破二奶宿命，他上台時略顯激動，他表示：「前幾日過27歲生，如果人生中揀最難一年係26歲一年，好在都過咗，今年大一歲，好想多謝一個人，佢令我知道咩係愛同埋如何變成更好嘅人，相信27歲會成為更好嘅我。」
至於Anson Lo就5連霸失敗，只得到「年度男歌手」銀獎，他上台時仍保持風度，未有黑面，他多謝公司、隊友及金樂團隊外，感謝每位投票的人及神徒（粉絲暱稱）:「冇你哋我行唔到每一步，無論跳唱條路幾難行，我都唔會放棄，希望推出唔同作品畀大家聽。」
頒獎禮最後兩個由現場觀眾票選的大獎「人人樂壇年度歌手大獎」及「人人樂壇年度歌曲大獎」由Anson Lo（AL）冧莊摘下，並由觀眾手上獲得奬座。
AL先奪年度歌手大獎，他感謝每位投票觀眾及神徒：「知道自己仲有可以做好啲，無論係快歌定慢歌，希望可以堅持自己鍾意做嘅嘢，出多啲唔同類型嘅歌，我係好鍾意跳唱嘅香港跳唱歌手盧瀚霆。」其後大會宣布AL的歌曲《你都有今日》成為年度歌曲大獎，他表現開心及雀躍，大讚神徒：「你哋真係好勁，好可愛，同我一齊律己以嚴。」又指歌曲是超級正能量：「雖然歌名好似好寸，其實係叫大家珍惜每日，可以有今日去做想做嘅事，去做個更好嘅人，同最愛嘅人相處。」他高呼：「我哋都有今日喇，神徒。」獲全場歡呼。
本文作轉載及備份之用 來源 source: http://hk.on.cc
|
鍾意就快D Share啦！
|
|
|