無綫處境劇《愛．回家之開心速遞》早前播出一集，神還原富三代鍾培生超大陣仗，由30米高空吊威吔落地向港姐女友莊雅婷（Angel）求婚的場面，由「KC」歐瑞偉由城門吊威吔從天而降，勇救「Minnie」邵初，之後為女方披上紅色頸巾，又單膝跪地，完全還原鍾培生求婚細節，即被網民大讚「靚抽」。
不過原來於鏡頭背後的絕密拍攝花絮中，看到現年64歲、龍虎武師出身的歐瑞偉親身上陣，連續在幾米高的高牆上跳下，於第二次跳下時發生小意外，他踩中空紙箱，整個人失衡滾落地下，好在他有豐富的動作經驗，臨危不亂地用左邊單手撐住地面，順勢轉一個圈卸力，之後迅速自己企起身，但就將整個紙皮箱都壓扁，他滿臉通紅大感尷尬，幸好未有受傷，雙手舉V字手勢報平安。
他回一回氣後就進行最後一跳，更要求加碼做一個前空翻動作，這次他就完美落地完成整個高難度動作。在旁的邵初看到「O嘴」，在場工作人員亦紛紛拍手大叫：「犀利！犀利！」大批網民留言大讚他身手非凡：「六張幾嘢都仲打得，KC你好嘢」、「真係敬業」，而有不少網友就擔心他的安全，叮囑他做高難度動作時要小心，保重身體。
本文作轉載及備份之用 來源 source: http://hk.on.cc
|
鍾意就快D Share啦！
|
|
|