還原事發經過 擠迫之中「攝入去」
該張引起爭議的合照，最初由《中年好聲音》評審張佳添在社交平台分享。鄧凱文近日接受《娛樂山》訪問時，親自重組當時情況。她解釋當時現場環境非常擠迫，氣氛高漲，自己只是為了拍照而攝個位置，進入了「忘我境界」：「其實嗰個係一個moment嘅事，嗰幾秒嘅事，純粹係...嘩好逼呀，大家Yo我嚟嘞，我性格係Yeah嗰啲，係懵吓。」
對於外界的諸多揣測，她斬釘截鐵地強調雙方絕無觸碰：「其實冇身體接觸，冇揩到，純粹係攝入去，我都冇諗過啲人會comment呢樣嘢，因為嗰個係一張相，而且真係可能係嗰一吓嘅事，完全係冇諗到會放大咗。」
汲取教訓承諾檢視肢體動作
面對風波越滾越大，鄧凱文坦言已從中汲取教訓。她認為這是一個經歷，並承諾未來會更加注意鏡頭前的企姿及肢體距離，避免再惹誤會：「自己唔好太過忘我...哈哈...因為嗰日好開心，一個party大家都好開心，完全冇諗過樣嘢。因為經過呢件事，我都會好好檢視一吓自己嘅行為呀、動作呀、眼神呀，唔可以放鬆或者放懈咁樣囉。」
轉戰《魔音女團》奪入行首個獎項
自擔任《東張西望》外景主持以來，鄧凱文憑藉亮麗外貌與出眾身材，迅速被網民封為新一代「東張女神」。雖然曾捲入合照風波，但她人氣依然高企，亦不時在IG大方分享美好身段。近日她更積極參與TVB新節目《魔音女團》，並在活動中以一身白色短裙配長靴的青春活潑造型亮相，更勇奪「最佳調皮獎」，順利拿下她加入TVB後的首個獎項。
點擊睇更多鄧凱文靚相：
本文作轉載及備份之用 來源 source: http://www.hk01.com
|
鍾意就快D Share啦！
|
|
|