頒獎禮後台零交流？ YT疑無視合照要求擦身而過
面對眾多批評，昨日（5月3日）JACE陳凱詠出席CHILL CLUB音樂頒獎禮時也有回應。訪問之前出現小插曲，YT周殷廷做完訪問後，JACE正在前往訪問位置，兩人擦身而過沒有交雜。JACE站好位後，傳媒要求YT周殷廷返回合照一張，但似乎他並沒有聽到。
JACE無奈嘆：大家嬲咗我哋囉
訪問中，JACE陳凱詠被問及原因，她回答：「畀佢有多啲空間處理，知佢有多啲處理。（佢嬲咗你？）佢嬲咗我？（定係你嬲咗佢？）點解呀？（網民以為你哋有嘢點知係一個夢）大家嬲咗我哋囉。（feel到？）都明嘅，但唔係自己嘅事就唔理咁多啦。」
重申合作純粹「配合安排」
她引述以前我訪問，坦言：「唔係自己嘅嘢就唔諗咁多，我到而家都係咁諗。我自己嘅歌，自己嘅宣傳，我一定係謹慎，但係今次合作係一個配合，做演員，咁我都好專注做演員，專業做演員，即刻飛去拍做好呢個角色。對我嚟講，做一個MV就係拍套戲咁囉。」
未即時澄清原因：日本食緊刺身冇理
有記者提問，當時為什麼沒有主動澄清？她回答，當時在日本旅行中。「食緊刺身就冇乜理嘅，都係呢個心態去吓旅行開心吓，好多嘢都唔太理。（有冇同YT溝通？）我諗佢都太忙處理，而我又人在日本好多嘢都冇嘢，其實我係落機之後先，排隊又排好耐，冇撳電話，原來Instagram同Threads好多嘢發生。過咗關後係知嘅，咁就係等候。」訪問當中，JACE多次表示，她是「配合安排」。
連日來受到網民批評，會不開心？她回答：「冇得開心唔開心，總有人讚就有人鬧。我諗都要知道呢個工作係預咗，大家諗法好合情合理。（接受？）接受，都要知嘅。」
本文作轉載及備份之用 來源 source: http://www.hk01.com
|
鍾意就快D Share啦！
|
|
|