藝人方力申（Alex）於2025年情人節宣布與圈外女友葉萱（Maple）於美國結婚，婚後育有一女Isla（方愛嘉）。當時方力申趁情人節晒出外地婚照，表示與Maple已秘密成婚，同一時間完成求婚及簽字儀式。尋日（8日）方力申忽然上載新一輯婚照，原來佢已經喺香港補辦婚宴及儀式，直言去年結婚時Maple咩都冇準備就嫁人，依家佢要彌補愛妻遺憾：「上年太太喺毫無準備下就嫁咗畀我。仲無化妝無整頭無揀過婚紗咁就影埋結婚相添。唔得嘅，一定要喺香港補番數。」多位圈中人及網友均送上真誠祝福。
方力申一身酒紅色絲絨西裝搭白色西褲，全程拖住身穿款式簡潔高貴長袖婚紗嘅Maple，臉上長掛甜爆笑容，二人抱埋愛女齊齊影一家三口全家福，甜美笑容融化網友心。方力申與Maple身處充滿歐陸風嘅淺水灣影灣園拍攝婚照，同時見到婚禮帳篷及餐具等，相信二人已補辦婚禮及婚宴。婚禮現場布置盡見心思，以白色及粉色系鮮花為主題，花藝拱門上掛有「Maple & Alex」字樣。婚宴餐桌上擺放蠟燭與玫瑰，溫馨高雅氛圍滿瀉。
本文作轉載及備份之用 來源 source: http://hk.on.cc
|
鍾意就快D Share啦！
|
|
|