現年49歲的康子妮（現名康滎舫），自2020年與林曉峰離婚後，近年轉戰保險業界成為年薪百萬的女強人，同時繼續參與音樂相關工作。日前她接受資深傳媒人鍾慧冰的網上節目訪問，鮮有地剖白離婚後的心路歷程，指曾因工作壓力過大，一度情緒崩潰，從而萌生輕生的念頭。
康子妮在節目中提到，當初離婚後展開獨居生活，適逢疫情令演藝工作停下來，加上剛轉行做保險業界，多重壓力下曾令她陷入情緒崩潰。她又提到當時的寓所，窗戶能夠大幅度打開，並坦言：「我住嗰個地方係可以開窗，係可以成個人行到出去個窗出面……有一次我因為一啲事情，因為嗰件事太大，好似佔據晒我人生咁，譬如返工咁，返工遇到唔開心嘅事，我就成個人崩潰，就好似走唔出咁，好似死緊咁……最後係我諗住我兩個仔，我覺得係佢哋救咗我。」她笑言找地方住，不會再選擇可以大幅打開窗戶的單位。
康子妮與林曉峰結束18年婚姻至今，一直未有公開當中的原因，她在訪問中大方表示，不覺得離婚是人生的污點：「我唔覺得（離婚）係失敗，我覺得每一個人相遇係有緣分……去到某個位，大家要行嘅路唔同，咁就係work唔到，唔work就唔係任何人錯或啱。」節目中康子妮大方以「林生」、「爸爸」稱呼前夫林曉峰，更透露今年兩位兒子分別在海外大學畢業，她與前夫一同前往見證，同時更感激前夫的付出，否認自己獨力負擔兩子留學費用，更直言：「係爸爸（林曉峰）畀嘅。」
如今兩名兒子均已長大成人，回復單身一段日子的康子妮，被問到有否想過重新開始一段新的戀情，她暗示身邊不乏追求者：「隨緣啦，我覺得有好傾嘅朋友嘅！」她續指：「唔係淨係好傾嘅。人越大，其實唔係淨係人哋對你有要求，我自己都對人有要求，我自己對自己又有要求，好鬼死煩㗎。所以，我覺得係難囉。」
本文作轉載及備份之用 來源 source: http://hk.on.cc
|
鍾意就快D Share啦！
|
|
|