巴黎高級訂製服時裝周近日假巴黎舉行，內地女星范冰冰近日風塵僕僕，繼日前在泰國為其護膚品牌宣傳後，又到韓國出席電影節活動，於巴黎時間昨日（6日）現身巴黎欣賞時裝騷，范冰冰又為高訂品牌任模特兒，成品牌2026秋冬高級訂製系列全球首穿。
威到盡嘅人佢第三度站上高訂T台，於台上着上黑色心形谷胸連身裙，胸前更縫上巨型黑色Lace道具，誇張造型令人眼前一亮，佢為超性感造型大膽貼上乳貼行騷，雖然危險但未有走光，據知今次係設計師親自帶冰冰選擇走秀服裝。最後品牌創意總監邀請冰冰牽手謝幕，明顯佢依舊係時尚圈炙手可熱嘅Icon。
對於今次前衞打扮，網上意見有讚有彈。有網友留意到佢背部、腋下均被細小走秀服唧出明顯贅肉，有網友表示件衫好難Carry，讚冰冰今次好大膽、乜都敢試：「范冰冰從不打安全牌 真的每次都有創新」、「只有冰冰姐真的在玩轉時裝周 很drama的造型 每次都有新想法!」、「這個女人殺不死,只會更強大」但亦有負面留言大彈佢未有做好身材管理，以致賤肉橫生，更有人暗寸佢為咗錢、為出風頭，甘心放下身價。不過有網友估計，冰冰應該係着咗塑腰，束腰肉被往上堆，因而令佢望落好多贅肉，並指偶像已經四十幾歲，沒必要咁嚴格。
另外，冰冰睇騷時以白色刺繡Tube Dress上陣，貼身剪裁勾勒出玲瓏曲線，配合復古髮髻及紅唇，恍如古典美人。不過，她的一身打扮反應兩極，有人讚好看：「女王回歸」、「不是千篇一律，有新鮮感」，但有網民認為衣服顯壯，且妝髮過時：「這個髮型就是死亡髮型」、「頭髮上好像頂了個問號」，「拍清宮戲的感覺」、「造型停留在20年前」，並發現她的白鞋已經穿舊了。冰冰到達會場時，被內地粉絲包圍拍攝，不少人大叫「冰冰好美」、「好絕」，冰冰企定定任影又為粉絲簽名，有求必應。
本文作轉載及備份之用 來源 source: http://hk.on.cc
|
鍾意就快D Share啦！
|
|
|