向現實低頭告別追夢：追夢係有段時期嘅
談及離開效力9年的TVB，彭翔翎坦言主要是合約剛好到期，加上考慮到年紀及現實考量而作出的決定：「咁其實合約都夠期嘅，同埋自己都覺得追夢係有段時期嘅，咁自己都有返咁上下年紀啦，咁向現實亦都要低頭啦。或者有緣嘅話就會再有機會接觸演藝呢一行。」她表示雖然對演藝圈仍有眷戀，但感激公司台前及幕後工作人員一直以來的照顧，即使離巢後亦會與同事敘舊。對於未來的演藝路，她保持隨緣態度：「暫時就搵下錢先，咁有機會，緣到就自然來。」
轉行全職揸的士
放下演員光環，本身熱愛駕駛的彭翔翎選擇全職揸的士，有時更會雙管齊下同時接街客及Uber訂單以增加客源。由以往的兼職變為現時的全職司機，被問及收入是否滿意時，她直言收入十分可觀：「夠生活嘅，一定係畀演員會生活得到，演員係比較艱辛嘅。」
扣除車租等成本後日搵2千蚊
她透露，目前扣除車租等成本後，每日淨收入可達2,000多元：「大概一日都有二千幾蚊㗎！」若果身體狀況允許勤力開工，一個月平均開工20日的話，收入更相當不俗。回顧過去，她笑指自己以前個人很節儉，「其實我本身個人好慳嘅，就夠食兩餐飯，我都覺得好開心㗎啦。咁依家Full time嘅話，咁就可以買多兩件衫，扮吓靚咁樣。」如今雖然全職揸的士工時變長，但收入與付出成正比，她直言是「多勞多得」。
香港的士司機的服務態度時常引起網民熱議，彭翔翎對此亦有一番獨特見解：「主要睇下自己個心態，如果你本身好易憫憎，可能天氣又有關啦，客人又有關啦，態度又有關啦，好多嘢影響。咁心態處理得好，就自然會好啲，大家都會好啲。」她強調只要以禮待人，至今從未遇過無理取鬧的客人。
被問到會否在載客時被認出，彭翔翎笑指自己開工時多數會戴著口罩，但偶爾也會被巴士司機認出，她都會友善地向對方打招呼：「我都會Hello，多謝你支持。」面對人生的新階段，彭翔翎以樂觀積極的態度迎接挑戰，正如她所言：「就算做咩都好，最緊要係自己鐘意做。」
本文作轉載及備份之用 來源 source: http://www.hk01.com
|
鍾意就快D Share啦！
|
|
|