林淑敏滕麗名大結局「不和升級」
日前在《愛·回家》多次活動上，當媒體問及劇集殺青會否不捨得對方時，滕麗名毫不客氣脫口而出：「當然唔會」 身旁的林淑敏即時尷尬打圓場補充：「會再合作嘅。」 但滕麗名聞言後直接把臉別到一邊，態度極度冷淡。 對於被指在IG Unfollow林淑敏，滕麗名事後受訪時直言：「係咩？我真係冇留意幾時取消關注過佢！」 暗示兩人在社交平台上早已零互動。雖然兩人應記者要求握手，但場面極尷尬！
昔日親解「黑面」原委 自爆冇表情樣好乞人憎
滕麗名冷淡與「黑面」的氣場已非首次引人誤會。她過去在節目《霎時再感動》中，就曾親自剖白過自己不笑時的「惡樣」由來。當時，滕麗名透露深刻印象的一次，「有位前輩走過嚟直接咁講，『嘩！點解你個樣成日黑口黑面？成日嬲咗成村人咁，個樣好衰呀！』我喺度諗，惡意批評喎？我就回敬佢︰『唔係呀！其實呢...我冇表情個樣就係咁樣，阿媽生成我係咁，冇辦法㗎！』直至幾年之後某日，無意中睇到助手拍低我等埋位時嗰個樣，嘩...我真係驚一驚，原來自己冇表情時個樣真係可以咁惡，咁乞人憎！當刻即刻諗起嗰位前輩一番說話，佢只不過將事實講咗出嚟，佢唔係我嘅屋企人，唔會以我為中心點，亦都唔會修飾言詞；對方係出於好意，而我只係諗好多藉口去抗拒，如果當刻我接受別人批評去改善，我就唔使行咁多年冤枉路！」
雖然滕麗名曾深切反省過「表情管理」，但在《愛·回家》大結局的這個關鍵時刻，她選擇「做自己」直接Unfollow兼畫清界線，這段「熊尚善」與「大小姐」的台前幕後恩怨，看來短期內都難以破冰。
本文作轉載及備份之用 來源 source: http://www.hk01.com
|
鍾意就快D Share啦！
|
|
|