公認是圈中「廿四孝爸爸」的藝人陳錦鴻，曾在事業如日方中之時停工10年，照顧患有自閉症的兒子，近日他接受DJ顏聯武的網上節目《顏式生活》訪問時卻罕有動怒。觸發點源自主持提到其子的獨立問題，陳錦鴻認為獨立與否，要視乎兒子的進展及能力，但坦言從沒想過與太太一同外遊，獨留兒子在家照顧自己。至於若兒子提出去流浪一個月又是否OK？他說：「佢Ready咪去囉！」但強調要按步就班：「唔係佢想點就點。」
主持隨即作假設性比喻，問到若年邁母親想去旅行會否擔心？怎料卻觸動陳錦鴻神經，一輪嘴激動說：「得，點解唔得呀？（唔擔心？）點樣擔心呀！（佢年紀大囉！）咁點呀？（冇人照顧佢……）咁點呀！（咁唔好去囉？）唔好去咁點呀？喺屋企？我陪住佢？咁點先得㗎？我唔會日日陪住佢㗎嘛！」問是否由得她去，陳錦鴻即瞪大眼說：「唔係點呀？」火藥味極濃。
訪問引起網民熱議，有人認為主持咄咄逼人，寄語：「未經他人苦，莫勸他人善。」亦有人覺得陳錦鴻太敏感及激動，建議他放鬆一點。
本文作轉載及備份之用 來源 source: http://hk.on.cc
|
鍾意就快D Share啦！
|
|
|