面對網民的質疑及留言，游嘉欣無奈笑言：「咁都無辦法嘅，咁佢哋有佢哋嘅諗法，咁我事實上就係冇，我都改唔到啲咩。我都有Po過一個中學嘅相，咁如果覺得嗰時候已經有整嘅話，我都無乜所謂嘅，大家就繼續討論啦。」她強調自己是靠努力改善技術來變靚：「我會繼續用自己嘅方法變靚，我不斷喺度改善緊自己嘅化妝、梳頭技巧同埋穿搭，所以希望大家可以用一個努力嘅方法去令自己變靚，唔好一諗就話一定係整容。」
承認曾極端減肥致身體失調
談及近年顏值的巨大變化，游嘉欣坦言主因是消除了「嬰兒肥」。她透露以前的臉頰非常圓潤：「我以前塊面爆到好似麵包超人，但我唔否認自己，我覺得每一個時期嘅自己我都好欣賞。」為了瘦身，她曾採取非常極端的減肥方式：「一開始我最極端，著撒膠褲、戴手套，喺出面跑，返到去焗桑拿，再跳兩堂發汗機，之後跑跑步，一個禮拜去四次健身房，嗰時真係好刻苦。」
然而，極端減肥卻導致她身體出現警號：「太極端令我身體唔係好好狀況，經期好混亂，要去食西藥。食西藥嗰陣係大家見我最脹嘅時間，後來覺得唔需要太催逼自己，放鬆之後保持正常規律運動，到今日就突然之間真係無晒Baby Fat。」
對目前狀態滿意 喊話勿低估自身美貌
被問到是否反對整容，游嘉欣持開放態度，但建議大家先試盡自身潛力：「我唔反對，只要自己鍾意就得，但我自己覺得做儀器美容暫時已經足夠。我會建議大家用盡自己嘅努力去發揮自己最大潛門嘅美貌先，因為你永遠都會低估咗自己，當你健完身、減完肥、護完膚，你會發現其實自己已經可以靚咗十倍，整容真係去到最尾最尾先去做。」問到對自己現時狀態的滿意度，游嘉欣幽默表示：「我都好滿意，我諗未到360度無死角，但至少有270度無死角，哈哈！」
本文作轉載及備份之用 來源 source: http://www.hk01.com
|
鍾意就快D Share啦！
|
|
|