爆遭舊友背叛狂笑 終極線索：「睇吓Unfollow咗邊個」
在節目中，馬天佑與不少圈中藝人合作，JW問有沒有試過被人背叛？兩人未答已經心照不宣地狂笑。JW率先開腔暗示對方有一定知名度：「因為我哋大家都知係邊個，但我哋又費事講出嚟。」兩人手拖手默契十足，馬天佑隨即拋出終極線索：「你睇我哋Unfollow咗邊個咪知囉！」
他對這位「舊友」毫不留情，連環開火：「我覺得呢行有歪念係唔得，即係心術不正！覺得自己好大、好威，所有最叻嘅人係最謙卑。」他更向JW拋眉眼，暗示對方同受傷害：「有啲人會覺自己好了不起，做好多嘢傷害身邊嘅人。」JW則附和道：「所以我覺得所有人應該Humble（謙卑）。」
網民憑手勢鎖定宇宙G.E.M.
講到興起，JW再問全行有沒有見面會「面左左」及尷尬的人？馬天佑果斷斬釘截鐵答：「冇喎，我諗全行得嗰一個，哈哈！」眼見馬天佑笑到失控越爆越多，JW急急煞停：「我驚呢個係我唯一節目，以後都做唔到。」明顯怕講多錯多。
雖然兩人全程堅拒開名，但有眼利網民留意到，JW言談間做了一個指向遠方的手勢，隨即被解讀為指向遠方的「宇宙」，似暗示有「宇宙G.E.M.」之稱的鄧紫棋；加上網民翻查IG，發現JW與昔日閨蜜G.E.M.早已互相Unfollow，不過馬天佑仍然有，令言論更添謎團，是否另有其人？
傳硬撬牆腳致閨蜜反目 Mark Ngai背景顯赫
隨著網民將矛頭指向G.E.M.，這段塵封多年的閨蜜反目史再度被翻出。當年JW與G.E.M.感情深厚，經常出雙入對。JW與富二代男友Mark Ngai（魏俊杰）熱戀時，經常帶男友出席與G.E.M.、何超蓮等好姊妹的聚會，Mark亦因此與G.E.M.熟絡。據悉，Mark背景顯赫，其外公是關之琳的前夫王國旌。
豈料到了2017年，G.E.M.被傳媒拍到與Mark在日本涉谷十指緊扣同遊，戀情正式曝光。由於Mark是JW的前度，外界隨即盛傳G.E.M.「硬撬閨蜜牆腳」，導致兩人的十年姊妹情誼面臨嚴峻考驗，因而傳出不和、反目。昔日的好姊妹自此漸行漸遠，甚至互相取消關注。
本文作轉載及備份之用 來源 source: http://www.hk01.com
|
鍾意就快D Share啦！
|
|
|