大方回應「劈炮」傳聞：仲有4年合約喺身！
對於卸任後是否代表獲得自由身，袁文靜笑住澄清：「其實我都覺得幾輕鬆嘅，我都係做返自己㗎嘛。公司都有畀機會我，好似上年中秋節宣傳片我都拍咗而且我同TVB仲有4年合約喺身，除咗唔可以私下接廣告同拍宣傳片，返金融工作教書，又或者創業係可以。」
至於4年後會否續約？現年28歲的她則抱持順其自然態度：「到時先諗好難講啊，我都希望可以喺呢一行發展，但都要睇下吓有冇機會，因為我已經28歲了，如果再多5年都唔得，就要考慮下係咪要繼續。」
未獲安排拍劇 不介意由小角色做起
談到暫時未有劇集找上門，會否擔心坐「冷板凳」？袁文靜認為打好基礎最重要：「唔會啊！因為我聽講都要去上完訓練班先，練吓先可以去拍劇㗎嘛。如果就咁行咗進去拍主角，大家都會好難做，交唔到功夫㗎嘛！我都想由少少角色開始，比多啲時間自己準備。」
面對新一屆港姐誕生，外界擔心其工作量會被分薄，袁文靜則對自己的定位非常有信心：「我覺得其實大家都有自己嘅特色，譬如我就係大家都知我會Rap搞笑，廣東話又唔係咁好，我諗應該好少人會同我撞呢個路線！所以都唔會太擔心，最緊要做好自己，練好廣東話同Keep fit。」
本文作轉載及備份之用 來源 source: http://www.hk01.com
|
鍾意就快D Share啦！
|
|
|