陸永澄清絕無「生仔」打算：真係完全冇！
對於有傳要尋找「生仔屋」而惹起熱議，陸永笑言：「吓？我仲要生仔？完全冇！真係完全冇！認識我都知，我點會啦？仲想生？仲要生個仔？」他直言自己從未考慮過要添個兒子：「要生，真係唔係話太想生仔，從來都係想要女，好彩兩個女都夠晒啦，唔使啦，都十幾歲無端端生個仔做乜鬼嘢啊？（可以生個仔畀兩女幫手照顧！）生個仔出來畀兩個女兒照顧？養佢，再找兩個女兒幫佢照顧？嘩！咁大成本！冇呀！冇呀！」
陸永坦承一直在睇樓 澄清非「一億豪宅」
雖然否認了「生仔」傳聞，但陸永承認自己近期確實一直在尋覓新居：「都未買到呀，其實一直都有睇緊，係咁睇樓囉之前。」面對有傳聞指他目標鎖定價值上億元的豪宅，陸永連忙搖頭澄清，笑稱自己無力負擔：「一億？咁抵得諗啊！我自己諗緊，你哋吹到咁大！一億幾嗰啲，講返實話，嗰個……唔會啦，豪咩宅吖，我係睇緊啲偏遠啲嘅郊區樓，嗰啲樓多數會大啲，感覺大，但好偏僻嘅，唔會係咩一億豪宅，冇可能！」
本文作轉載及備份之用 來源 source: http://www.hk01.com
|
鍾意就快D Share啦！
|
|
|
