《功夫女足》於內地大賣，令不少觀眾都想起周星馳2001年作品《少林足球》，網上亦湧現不少星爺電影的經典片段，掀起不少回憶殺，而昨晚（1日）《少》片四師兄田啟文將這個回憶殺推至頂峰，竟一口氣集齊周星馳系列電影台前幕後超過15人搞聚會，當中除了《少林足球》眾師兄弟之外，還有在《少》片飾演士巴拿汽車維修員馮勉恒、眼中有火的豬肉佬楊能，當然不少得羅家英以及如花李健仁，李健仁早年曾中風，經過多年休養後，精神不俗，狀態很好。
田啟文接受《東網》訪問，直言今次聚會是「五喜臨門」，他笑言：「首先慶祝大師兄黃一飛84歲生日，仲有就係今日生日嘅四師兄小龍，我三師兄就攞到金馬獎最佳男配角，六師弟林子聰有份做執行導演嘅《功夫女足》大收，嚟緊香港會上，同埋二師兄莫美林可以嚟到參加聚會，所以有5個蛋糕，我哋廿幾年無一齊聚過，好難得咁齊人。」近年不少資深藝人、電影人離世，當中包括於《少》片飾演魔鬼隊教練「強雄」的謝賢，令人不勝唏噓，田啟文不諱言亦因此希望大家多些相聚：「近排一個個咁走，真係要珍惜眼前人，所以， 我哋席間都講咗，之後要定時定候搞，我吹雞，真係要多啲聚，昨晚真係好有記念價值。」至於問到難得齊人為何「五師兄」周星馳未有參與？田啟文就表示：「佢忙緊宣傳邊度得閒呀。」
本文作轉載及備份之用 來源 source: http://hk.on.cc
|
鍾意就快D Share啦！
|
|
|
