梅媽離世享年102歲，梅啟明現身醫院接受訪問。他透露下午1時許收到媒體通知梅媽出事便即趕往醫院，他語帶不滿表示竟然要由傳媒口中才得知母親出事。問到梅媽離世原因，他透露因進食時鯁到而離世，但不知她當時吃甚麼，要解剖先知，因為工人講得唔清唔楚。
梅啟明指因媽媽一直由傭人照顧，他提到本來有一名護士專責照顧母親，但早前被姪仔解僱，電話又遭封鎖，暗示因而導致媽媽今次出意外時失救，大感不滿。他指貼身護士未有被炒，其實估計母親可活到105歲，可惜發生今次意外。梅啟明表示在醫院有見到侄仔，但未有打招呼。問到若在喪禮見到姪仔，梅啟明聲稱不會面阻阻，亦不會不歡迎任何人，沒永遠敵人。
梅啟明指對上一次見母親已是兩年前的事。對於母親的身後事，他說：「唔想火葬，想土葬。（母親已與你斷絕母子關係）無話斷唔斷絕，一世都係阿媽。身邊人搞咁多嘢出嚟，你哋都心中有數。依家唔講呢啲，想搞好阿媽啲事先，等阿媽安息。（你負責處理身後事？）根本係要我處理，我係唯一個仔，細佬妹都走埋，我唔處理邊個處理？（有財政壓力？）一啲都唔怕負擔。人一世物一世。阿梅留咁多錢喺度，佢有基金㗎麻，我咪申請基金處理囉，好正常。如果最後呢PART佢都唔處理，我一定告上法庭，我一定告到底。」
梅啟明又表示會向基金拿錢，但強調自己都有收入，最近做園藝工作，又指梅艷芳的錢是用來做慈善，但有人別有用心動用那筆錢。當追問誰是「哪些人」，他只謂：「大家都知，梅媽身邊的人。」
本文作轉載及備份之用 來源 source: http://hk.on.cc
|
鍾意就快D Share啦！
|
|
|