王菲聞偷拍案驚呼「呢個人都幾大膽」
今日（28/9）熱愛運動的港姐王菲出席無綫熱播劇集《死有對証》的宣傳活動。在劇中飾演瑜伽導師的她身形極佳，平時亦有做運動習慣，當被問及健身中心更衣室驚現偷拍鏡頭一事時，她接受《香港01》訪問時面露驚愕，直言對事件感到非常震驚與不安。
對於偷拍者的惡劣行徑，王菲忍不住感嘆：「竟然係天花裝偷拍鏡頭，呢個人都幾大膽喎。其實依家呢個社會真係太多呢啲奇怪事發生啦，呢個可能已經更加誇張少少添」
更衣室私隱度極高 坦言自己慣於返家才沖涼
談到平時去健身房的習慣，王菲透露自己雖然會在健身室換衫，但通常很少使用公共浴室。她表示：「其實我都好少喺健身室嗰度沖涼嘅，因為通常我做完健身，我都會返屋企先沖涼。不過喺公共地方都可能會想穿返件外套或者攞少少嘢，其實浴室入面都好私人，係私人空間嚟㗎嘛。」
自保防偷拍法 考慮下載手機App反偷拍
被問到日後會否增強警惕，以及在換衫前如何保護自己時，王菲坦言日後必定會「望清楚啲」。她苦笑表示：「真係要望清楚啲囉！同埋可能入到沖涼房都要望清楚，真係要睇清楚啊！可能要用手機掃吓啲紅外線咁樣。我覺得你講完我聽之後，我可能真係需要裝個防偷拍APP，聽講有啲人去酒店都要裝返個Check吓。」
本文作轉載及備份之用 來源 source: http://www.hk01.com
|
鍾意就快D Share啦！
|
|
|