蕭正楠貼假鬚 仔仔呆望叫「叔叔」
以一身武將造型，滿臉鬚根示人的蕭正楠表示，穿上這身戲服後曾與兒子進行視像通話：「頭先同我仔Face time呢，佢嗌我叔叔！冇再嗌爸爸啦，我有啲擔心，黐咗啲鬚之後，望咗好耐，把聲係㗎啦，點解佢咁多鬚嘅。」他無奈笑指兒子看著他呆了很久，但完全認不出爸爸，更開口叫他做「叔叔」。蕭正楠表示兒子可能奇怪為何這個人有這麼多鬍鬚，但他相信兒子慢慢會習慣這個造型。
監製下令修身 曹永廉自認聽話食清淡
問到為新劇有甚麼特別準備，蕭正楠在旁即踢爆曹永廉首要任務是「減肥」：「佢就減肥啦，因為啱啱監製一見到，咦！點解你浮屍咁嘅，減返啲喎！」不過，蕭正楠亦讚他很乖，有嚴格控制飲食，盡量吃得清淡和減少食量以迎合鏡頭要求。
何廣沛忙爆 劇集拍攝橫跨大喜日子
至於何廣沛除了要應付劇集拍攝外，更要同步籌備人生大事。他透露：「應該會橫跨我嘅大喜日子，所以都比較忙碌，但係辛苦未婚妻啦。」蕭正楠聞言隨即搞笑提議：「到時大哥二哥就係古裝嚟慶賀你結婚」何廣沛當場讚好，更讓他們到時在現場耍劍。
本文作轉載及備份之用 來源 source: http://www.hk01.com
|
鍾意就快D Share啦！
|
|
|