47歲的藝人廖碧兒近來傳出與富商相戀，該富商身份是現年70歲的東華三院前主席、擁百億身家的呂禮章（John），之前一直未有公開認愛的她，今日（25日）出席活動時春風滿面現身，並高調認愛，問到會否介意另一半年齡差距大？她直言：「不嬲都無關年齡嘅事，最緊要兩個人夾。」
提到她之前於社交網大晒4卡鑽戒，是否準備出嫁？她笑言：「呢啲唔諗住，最緊要開心，一路都冇呢個壓力，我媽咪、爹哋都冇畀，我都唔畀自己壓力，順其自然。」並指該鑽戒是找專人（曾為Taylor Swift設計珠寶）為自己設計紀念入行25周年的戒指。至於薛家燕早前指要祝福她，並已「準備好人情」，廖碧兒即扯開話題：「我都祝福佢，大家祝福大家，最緊要開心健康。咁一路我都當佢（薛家燕）係媽咪，我哋成日約，好多嘢都同佢分享。」
而她在社交網上載化學煙霧造成的空中文字「I Love B」照片，她解釋那是由飛機造成：「只係見到啱啱有咪影囉，係唔關我事。（係咪驚喜？）唔係呀，其實係送畀全世界，唔係專登送畀我，你哋諗多咗。（有乜嘢只係送畀你？）Friendship、感情、愛情，好似朋友咁支持我做緊嘅嘢（咖啡、酒），我有咩活動佢都支持。（結咗婚先話畀外界聽？）唔知喎，未諗呢啲嘢，最緊要開心，我依家仲追求緊我嘅夢想。」
提到舊愛劉愷威早前公開宣布跟黎紀君拍拖，她指剛從內地返港並不知情，但她亦有戥朋友開心，更會祝福對方。
本文作轉載及備份之用 來源 source: http://hk.on.cc
|
鍾意就快D Share啦！
|
|
|