拒絕干預放手成長 打造家庭「充電站」
談到育兒心得，擁有二十多年為人父母經驗的劉小慧表示，家庭最重要是成為女兒的「充電站」，維持緊密的親子聯繫：「我諗作為一家人最重要，亦都喺人生裡面，我覺得係好重要嘅一家人係嗰種緊密程度。」她直言對女兒十分放心，從不擔憂她們獨自外遊，例如早前女兒獨自到泰國旅行：「我相信阿妹應該有足夠智慧會去識得保護自己。」她更鼓勵女兒放手去試，學習獨立解決問題。蘇志威則認為「養兒100歲，長憂99」是真的：「咁其實嗰個擔憂，係都會有少少擔心嘅，但係擔心之外，唔係干預。即係你唔好因為你嘅擔心，你干預咗佢。」他舉例說明怎樣是干預：「我覺得你去泰國好危險喎，你唔好去啦，嗱！嗰啲就叫干預，咁如果佢真係要去嘅就提醒佢。」
放下父母身段 互相交流學習
至於夫妻相處之道，蘇志威認為最重要是溝通與放下身段：「將你父母嘅身份去放低，即係唔好成日以為你做父母一定係講嘢係啱，因為佢哋已經就一個19，一個27。佢哋有佢嘅思想、有佢嘅接觸、有佢嘅諗法、有佢嘅智慧，咁好多時我哋要傾偈去睇下大家嘅睇法，可能從中喺佢哋嘅身上吸收得到一啲你自己缺少嘅嘢。」
不在子女面前爭吵 閂埋門先檢討
二人被問到會否因為女兒而吵架時，劉小慧表示甚少為女兒爭執：「即係如果你問我可以講話，完全冇。頭先我老公喺節目度分享教小朋友，如果已經決定咗我係負責呢一個範疇嘅話，就算我做得唔好，一定會喺個子女面前話：『喂！你做乜咁樣話啲子女？』咁你會令到個子女更加覺得我應該聽邊邊呢？咁樣更加混亂，可能我有做得唔好嘅地方，之後就閂埋門問我：『喂！點解頭先咁大情緒啊？』咁樣最多都係試過一兩次。」
本文作轉載及備份之用 來源 source: http://www.hk01.com
|
鍾意就快D Share啦！
|
|
|