2013年12月12日 星期四

[壹週刊 1240] 一週喱士 M1,




社交圈

一週喱士

喱士裙歷久不衰,上星期有小花、名模及闊太各自演繹,透視薄紗大露背甚至露半邊球各取所需,高貴與否,見仁見智,但最搞笑係個個都叉手影相,彷彿是指定動作。

徐子淇 肚凸凸

穿喱士未必要嚇嚇肉帛相見咁低手,千億新抱徐子淇就能收放自如。上週五她穿上二萬三千元的綠色 Burberry長裙,好優雅地出席意大利高級珠寶 Chantecler開張,但條裙是品牌贊助,可能唔太啱身,所以現場見她肚凸凸,令她尷尬用手掩肚:「可能條裙緊,有又好冇又好,唔係依家,好攰。」

李蘢怡 難洗底

由藝人轉行做珠寶設計的李蘢怡,上週五出現微笑行動晚宴,她已改回原名李宜錚,更話在 office上班是恢復正常生活,洗底成功找到真正自我,但佢一轉身露出背後的蓮花鳳凰紋身(小圖),即時徒勞無功。

熊黛林 戰鬥格

重新上市的熊黛林急不及待要露肉再戰江湖。 Chantecler開幕派對中,她身上的 Pucci裙不單露背,更透埋左右邊胸,雖則分手數月,自稱已放下感情,但話題總是郭富城,對飲宴同場,佢話:「身邊人比較緊張,有朋友話佢嚟咗,問我點算,我話冇乜點算,繼續食同玩啦。」

江若琳 喱士打底

江若琳上週五去浪琴表飯局時亦湊熱鬧著喱士,但薄紗裙下透出喱士褲仔,配埋粗身腰帶,認真不倫不類。

徐子珊 壓軸性感

上週三,徐子珊答應出席《 Zcoop Magazine》為奧比斯籌款的慈善晚宴,但佢姍姍來遲,幸好佢識做著咗條性感喱士裙到場,否則一定全場噓爆;傾偈時提到她不滿陳嘉佳在《 My盛 Lady》中比她更搶鏡,佢例牌否認:「話我嬲係無可能。」



鍾意就快D Share啦!
Related Posts Plugin for WordPress, Blogger...