同你吟一吟
鄭融自摸老江湖
上週末（十二月六及七日）響九展舉行演唱會嘅鄭融，聽講只係賣出三成門票，要靠團購同送飛，三千個座位先坐得曬。但台上嘅鄭融冇受打擊，演出交足貨，開場著住泳衣款歌衫勁歌熱舞，仲背住觀眾示範擘髀老江湖，再左扭右扭搖動下身，自摸奶奶等令人想入非非動作有齊。
唱得、跳得，只係門票唔賣得嘅鄭融借演唱會自爆脾氣差，經常同朋友鬧交，頭場有份做嘉賓嘅周柏豪同薛凱琪都中過招，周柏豪仲踩多腳：「我有叫佢唔好成日黑面，點知佢話：『因為個個高過我，要我抬頭望上去』，大家知點解啦！」
生得實在矮，鄭融換上花花長裙出場時，腳踩六吋高踭鞋，但好睇唔好行，佢驚到唔敢落樓梯，唯有大叫：「我唔敢行落嚟，搵人扶嚇我。」
講到尾，著六吋踭同開演唱會一樣，冇得勉強。
|
鍾意就快D Share啦！
|
|
|
