熱爆娛樂: [壹週刊 1240] 老豆話事　阿 Lam唔俾露　林德信打底　肉搏 Tback Jeana

2013年12月12日星期四

[壹週刊 1240] 老豆話事　阿 Lam唔俾露　林德信打底　肉搏 Tback Jeana

探熱針

老豆話事　阿 Lam唔俾露　林德信打底　肉搏 T-back Jeana

Lam仔林德信在電影《喜愛夜蒲 3》孭重飛，跟女主角雨僑及何佩瑜（ Jeana）有連場床上激戰肉搏戲。但估唔到平日緋聞多多，外表 open嘅 Lam仔內裡居然好斯文，同半裸 Jeana場激吻戲， Lam仔錫身唔肯剝，堅持著住衫「肉搏」；忽然保守，原來同老豆林子祥背後落禁令有關。

鬥曬月光

電影《喜愛夜蒲 3》女角是非多，執二攤的許奕妮求突圍，爭衫爭仔力鬥在《夜蒲 1》已經搏盡的 Jeana何佩瑜，可惜對方人多勢眾， Jeana搵埋文凱玲、 Celia K齊齊半裸著 T-back露股，令孭住港姐光環、著胸圍底褲已經叫去到好盡嘅許奕妮，輸足成條街。

女角鬥剝，偏偏戲中孭重飛的 Lam仔林德信，卻出奇地錫身，尤其跟只著住 T-back的 Jeana，在單人梳化上激戰， Lam仔居然著住白背心加短褲迎戰，點都唔肯剝。

阿 Lam口講話好想睇嚇 Lam仔嘅 body，但原來又唔想佢露太多肉，認真矛盾。

唔使同女角肉搏， Lam仔（前左一）即時鬆曬，唔介意在拍船 P場面露兩點。

Lam仔跟雨僑拍床戲， Lam仔最後都有裸上身激戰，不過就背脊向鏡頭，俾雨僑搶曬鏡。

有衫著， Lam仔反而可以放開，同雨僑攬到實影相。

點到即止

據了解，原來老豆林子祥一早下禁令，就算 Lam仔要拍親熱戲，都唔可以露肉太多，經理人林珊珊更派人監場，擔心 Lam仔違抗父令。

「 Alex（林德信）第一次拍呢類型戲，梗係會緊張，所以珊珊搵人傍實都好應該，佢同 Jeana之前已經拍咗場嘴戲，因為唔係好熟，我特登叫人買咗支白酒，飲一杯先開工， Jeana酒量唔錯，飲咗好多杯，反而 Alex就醉咗，因為嗰朝開早班，佢冇食早餐，空肚飲酒醉到差啲講唔到對白，好在過程算好順利。其實呢套唔係三級片，場面點到即止，唔需要去到好盡，只係想拍出個氣氛。」導演錢國偉說。

跟 Jeana梳化肉搏外，同雨僑另一場床戲，被禁剝的 Lam仔，就連肉搏戲都唔能夠太進取：「場戲係講雨僑做主動，所以 Alex唔需要有咩大動作，加上雨僑黐咗好多膠紙，佢要幫手遮住怕『穿崩』，連雨僑都話拍床上戲仲辛苦過拍動作片。」錢國偉續說。