[壹週刊 1240] 姊弟戀有錢途 范冰冰帶李治廷搵食 范冰冰,M1,

探熱針

姊弟戀有錢途　範冰冰帶李治廷搵食

三十一歲範冰冰跟二十六歲李治廷合作電影《一夜驚喜》撻著後，二人隨即被網友踢爆於八月，在八名保鑣護駕下到布吉度假，男方更在眾目睽睽下親吻女友。姊弟戀曝光，李治廷直認跟範冰冰「關係開心」，是很親密的朋友。據了解，為要拉近二人距離，有財有勢有「國際範」之稱的範冰冰，不避嫌帶挈男友搵食，以情侶檔姿態出活動搵真銀，二人日前在倫敦出席完頒獎禮後，更順道拍拖遊歐洲。

拍拖歐遊

範冰冰跟李治廷的電影《一夜驚喜》，獲選為「 2013倫敦國際華語電影節開幕式暨頒獎典禮」參展電影，上週五（十二月六日），二人孖住飛英國，分別攞「最佳新銳演員」獎及「最具海外影響力」獎，其中由李治廷作曲、範冰冰填詞、兩人合唱的電影主題曲，更獲「最佳原創電影歌曲」獎。三獎在手自然值得慶祝，二人繼布吉之旅後，留歐洲繼續 happy。

「 Aarif（李治廷）喺英國讀書，去過歐洲唔少國家，時近聖誕節，好多地方都好有節日氣氛，所以佢哋特登留多一個星期，帶女友周圍食周圍玩，不過今次冇咁多保鑣傍住，話曬喺歐洲，佢兩個唔係咁多人認得，就算拖住手行街都可以。」知情者說。

拍拖接近四個月，熱戀中的範冰冰拍完電影《一夜》後，隨即為新戲《楊貴妃》開工。日夜留守橫店開工，要同男友見面，範冰冰一樣有計。

新 MV《不可思議》其中一幕在澳洲街頭取景，李治廷在巨形禮物盒中向女友求婚。

被踢爆跟李治廷拍拖後，範冰冰在電影宣傳活動上表現豪放，開心將男友抱起。

11月，二人孖咇到東莞出席商演騷，齊齊搵銀。

MV落重本，李治廷更有機會在一望無際的公路上揸車，型！

落力推介

據了解，近月範冰冰以宣傳電影為由，不斷向邀請她出席活動的客戶，推介李治廷。

「電影上畫，商演活動特別多，為咗同男友多啲機會見面，範冰冰吩咐公司同事，向客戶推介李治廷，話曬係緋聞情侶，最緊要有話題，客戶對提議都好受落。之前佢哋出席活動，試過突然喺台上互攬，咁嘅場面，好有宣傳效果。 Aarif呢幾個月得女友帶挈，加加埋埋接咗十幾個活動，密密執，有錢齊齊搵之餘，又可以成日見面，一舉兩得。」知情者說。

除此之外，範冰冰知道李治廷唱歌出身，近日推出新歌《不可思議》，並打算明年再出唱片，範冰冰又再幫手力穀：「試過有次兩個做商演，範冰冰響台上大讚男友唱歌好聽，叫現場 fans記得留意呢個人，撐到出曬面。不過 Aarif都好感激阿 Joe（經理人），事關係佢接到呢部戲， Aarif先有機會識範冰冰，公司見佢個勢咁好，仲落重本去澳洲拍新 MV。」知情者說。

跟 MV女主角又拖手又嘴，不過以國際範見多識廣，一定唔會呷醋。

在 MV中，李治廷發揮搞笑本色，戴假髮跳勁舞。

弟憑姊貴

拍拖冇分年齡界限，圈中多對姊弟戀都因為工作關係撻著，甚至公開戀情後，不單未有影響事業，更令男方前途及錢途大有進賬。

楊千嬅×丁子高

自從追到比自己大五年的楊千嬅，丁子高由一個普通公關，變身天後男友並自組公關公司做老闆，兩人戀情更修成正果， 09年於美國註冊結婚， 12年更誕下兒子丁進諾。

林憶蓮×恭碩良

現年 48歲的林憶蓮，跟細她十一年的音樂人恭碩良因合作演唱會撻著，戀情曝光後，天後級林憶蓮公開大讚對方有才華，更孖住男友做巡迴演唱會，帶挈出過唱片依然冇人識的恭碩良知名度大增。

鍾意就快D Share啦！

下一篇 》