鏡頭後：笑笑口
馬賽接受訪問時，喊咁口話已經反省過，同汪子琦亦一刀兩斷，但其實佢心情不知幾咁好，同阿媽以及經理人去九展做訪問，馬賽全程咪咪笑，好淡定。
同你吟一吟
純情破產 馬賽《巾幗 3》被刪戲
盛傳貪咗內地有米女製片汪子琦至少 200萬嘅馬賽，上個禮拜五（十二月六日）接受《東張西望》專訪，聲淚俱下話自己上咗個「成長嘅 lesson」，相信以後做乜嘢都會更勇敢同成熟，但喊嚟喊去都冇解釋有冇呃汪子琦錢，一味想用眼淚搏天下同情，等自己有機會響幕前翻身。
做訪問七情上面，但馬賽錄映之前，心情不知幾咁舒暢，笑笑口同媽咪以及經理人，歎杯咖啡先埋位。睇嚟披住兔皮嘅馬賽，諗住做完訪問就可以冇事，點知汪子琦前女友 Laura發功，以大婆身份鬧馬賽搶人男友冇人格，點睇都唔似抑鬱想自殺，仲話佢係出嚟撈嘅女人。
隨時翻身無望，無綫難得聽從民意，據聞馬賽做第二女主角嘅《巾幗梟雄 3》，戲份會被大量刪減，事關佢戲中飾演純情格格，男主角黎耀祥更我見猶憐鍾意咗佢。
雖然話如有雷同，實屬巧合，但已經純情破產嘅馬賽，除非將來走狐狸精路線，否則想出嚟撈幕前，難！
|
鍾意就快D Share啦！
|
|
|
