掃呢頁CODE去手機

2013年12月25日 星期三

[FACE 344] 招職 港視 7.1復活 王維基搶新聞小花開台 王維基,港視,MF,




上週五( 20日)王維基即場示範 HKTV流動睇電視唔會塞,用 iPad示範時仲獲得全場掌聲。

真面目

招職 港視 7.1復活 王維基搶新聞小花開台

一男子玩死香港電視,好在王維基借殼翻生成功,上週五( 20日)更開記招風騷曬新計劃兼宣布下年 7月 1日開台。

新計劃中除了一直力穀的廣東話頻道外,更新增一條 24小時的新聞頻道。王維基開新戰線,據知他已打算大量吸納記者及主播,一些已離開無綫又具知名度的小花更是港視頭號目標。

港視開台多波折,十多萬人上街撐港視,如今王維基終於透過以 1.42億收購中移動旗下香港流動電視業務,上週五( 20日)公開宣布港視復活。

齊心全撐

《蘋果日報》圖片

維基翻生,成班員工齊集總部撐老細,認真齊心。

挖淚小花

電視圖片

曾因在電視流眼淚的黃紫盈, 10月開始離職無綫,但 2個月未見有新工作落實,據知佢係王維基頭號挖角對象。

《蘋果日報》圖片

離職後的黃紫盈生活好悠閒,早前同師姐黃婉曼一齊做 model,之後去咗法國旅行,唔多似心急工作。

𥄫中嘉欣

電視圖片

現已升呢為無綫當家主播的陳嘉欣,原來王維基亦有留意,並想收為己用。

搵盤翠瑩

電視圖片

現已離開無綫轉往馬會做公關的盤翠瑩,據知王維基覺得外形穩重,好適合新台形象。

大學招兵

《蘋果日報》圖片

港視開到台,據知本來一向覺得新聞台冇乜錢搵的王維基,為報答港人支持,亦決定揼本大搞。知情人士說:「港視本身有新聞部,老闆亦已經四出招兵,主力向有線同 now新聞台挖角,亦會向各大學埋手,老闆覺得後生仔先有衝勁肯搏。」

維基新搞作一向不惜工本兼善於製造話題,既然要搞新聞,據知港視已瞄準黃紫盈、盤翠瑩等前 TVB小花,希望憑她們的知名度打響頭炮。對於銀彈挖小花,港視發言人 Jessie說:「盤翠瑩、黃紫盈同陳嘉欣都有留言,如果有興趣,我哋歡迎佢哋過嚟,但現階段唔可以透露太多,會斟洽之前炒咗嗰班員工先!」 TVB又要加人工啦!



鍾意就快D Share啦!