2013年12月25日 星期三

[FACE 344 專訪] 英雄論 陳偉霆 陳偉霆,MF,




FACEweekly

英雄論 陳偉霆

成年在內地狂拍古裝劇、緊接而來更有 2014年頭扮演英勇消防員,套套英雄主義上身,仲要 keep住跑步瘦身,更陽光更靚仔!今天,一於等陳偉霆( William)自己講他心目中的英雄!

整年不在香港,去了哪裏當「英雄」?

年頭拍完《救火英雄》,就即刻飛去內地橫店拍兩套古裝劇,第一套是《少年 4大名捕》、第二套是《古劍》,兩套都是內地電影劇,咁蹺演的都是英雄。今是首次演古裝戲,拍足大半年有多,大部分時間都不在香港。年尾就回來香港,演曾拍上年《我愛 HK開心萬歲》導演鍾澍佳的戲,與黃宗澤有對手戲,我就做番奸奸哋的角色。

下年頭有份演的《救火英雄》上畫,戲裏有幾英雄?

戲入面我做一個新仔,演一個大大隻、上頭叫我做乜就做乜的消防員。好記得年頭開拍時,要先去八鄉消防局做一連串訓練,包括怎樣正確使用氧氣筒等。有日訓練,就要困我們一班演員入黑房,伸手不見五指下要同胡軍練默契,仲有場拍戲我又要同時救關智斌同胡軍,拉親右邊膊頭肌肉,不過辛苦都值得嘅。

為了演英雄,你去到幾盡?

為求做大隻消防員,當時增磅到 170磅,係咁操肌。拍完後要去內地拍古裝,成日要戴假髮,頭髮向上擸就知大隻演古裝好唔靚,於是每日都著住件焗汗風褸、去橫店 gym房跑足半個鐘,跑完直頭唔敢垂低手,因為汗多到成條水柱咁!加上 8點後唔食澱粉質,結果由 170變到現在 148磅,身邊朋友都話瘦咗係靚仔啲嘅(笑)!

今年全年投入拍戲,會分一點時間在唱歌嗎?

打從入行一團火唱〈 Taxi〉後,之後都覺得自己在唱歌方面都找不到落腳點,加上又要同時兼顧拍劇,變得有點力不從心。今年公司想我推出廣東碟,我都同公司講我想將精神貫注在拍戲上,希望畀到自己、同時觀眾 William的改變。

戲內扮演英雄,戲外你心目中的英雄是誰?

何只夠英雄,上月 William在個人 IG錫住媽咪講生日快樂,超孝順仔!

我家姐。細個爸爸已經離開我們,家中負擔都由姐姐負責,好感動係佢在外國讀書半路途,都回來照顧我們,好高興係佢雖然 40歲,但最近生咗個 BB,未生前幾星期仲同我去揀樓,真係好犀利。我仲想講我拍古裝時的拍檔楊冪,都係我好尊重的一位北京演員,佢從來冇試過遲到,我早 10分鐘佢就早 15分鐘,所以紅絕對是有道理。



鍾意就快D Share啦!