2014年2月14日 星期五

[忽然1周 968] 諸葛紫岐蒙面俠 諸葛,諸葛紫岐,MW,




當日諸葛紫岐身穿啡色褸、頭戴紅色 cap帽,再加口罩,媽咪姐爭啲認唔出。好彩有個官仔骨骨嘅老公薛嘉麟喺隔籬,不過二少抱 B手勢生硬,要再抱多啲噃。

媽咪姐

諸葛紫岐蒙面俠

舊年 12月初為 Neway二少薛嘉麟誕下囝囝「冰岐麟」嘅諸葛紫岐( Marie),眨嚇眼就做咗兩個月新手媽媽,聽講佢勁錫阿仔,乜都緊張一餐。

日前媽咪姐喺中環撞到佢一家三口,當日諸葛戴曬帽同口罩,由頭包到落腳,而二少則抱實 BB,不過手勢就唔係咁正宗,要再培訓一嚇喎。雖然諸葛包到冚曬,其間見佢一個電話接一個電話,唔通係吩咐屋企三個工人姐姐?點都好,輕鬆啲啦香港人!

諸葛紫岐行色匆匆,邊行邊講電話,老公則負責抱 B,分工合作。

上年 12月初,諸葛一索得男,中文名有待長輩改,英文則叫 Arthur。由於係薛家第一個曾孫,夫婦計劃為 BB搞百日宴。

今年 1月中,啱啱產子一個月嘅諸葛紫岐出席活動,當時嘅佢已火速修身。



鍾意就快D Share啦!
Related Posts Plugin for WordPress, Blogger...