網頁

請重新LIKE FACEBOOK“新專頁”THANKS!
鍾意我? D 熱爆文章嗎?
即刻“讚”接收更多熱爆?!
唔要再顯示

2014年2月12日 星期三

[FACE 351] 溝趙式芝老婆 分老外半層樓 楊崢攣直通吃 楊崢,MF,




大 9年

楊崢回應與 Sean的感情和金錢關係時說:「係僱主員工關係,幫佢做代言人啫!唔明有咩錢銀轇轕。」

封面

溝趙式芝老婆 分老外半層樓 楊崢攣直通吃

33歲黃宗澤和大 9年的楊崢爆出「姊弟戀」,但 42歲楊崢一籮籮的情史隨即被翻舊帳,除被指曾介入黃佩霞與前夫的關係外;原來 05年,楊崢曾跟趙式芝現任「老婆」楊如芯行得好埋,經常自由出入對方的寓所,有傳兩人關係更涉及不少金錢轇轕。

此外,目標為本的楊崢, 6年前與有米法籍男友 Patrick拍拖,當時男友以兩人名義,以 1千 8百萬購入西貢白沙灣一單位,可是兩年後分手, Patrick以個人名義重新購入該單位,楊即轉手在雲景道添新居。 42歲楊崢男女通殺, Bosco招架得住?

其他影片

對於女友情史多多又複雜,黃宗澤回應時謂:「佢冇同我講,我冇睇亦冇問,總之𠵱家開心就得啦!」係咪咁豁達呀?

今次 Bosco和楊崢離奇撻著,原來是去年 12月,楊崢單拖到 Bosco九龍城的新蠔吧試菜,兩人擦出火花,據知識飲識食的楊崢,當晚試勻 10款鮮蠔, Bosco更自備靚紅酒招呼。而拍拖之後,蠔吧二樓的 VIP房已成為兩人拍拖秘竇,現在楊崢更擔任蠔吧的顧問,會幫 Bosco撰寫菜單和試菜,話咁易就做埋老闆娘添!

網上圖片

黃宗澤與楊崢的戀情,因網友在討論區留言而曝光,其後更有一張網友提供的咀嘴照,不過照片質素相當高唔似偷拍,楊崢在電台節目《 1圈圈》就沒有直接解釋,只說:「我哋都只係普通人做普通嘅事,多謝大家關心!」

做埋 Bosco蠔吧顧問

楊崢去年 12月與朋友到 Bosco的蠔吧試菜而撻著,拍拖後楊崢仲做埋顧問,幫手寫埋菜單添。

12月撻著

去年底 Bosco間蠔吧開張,當晚楊崢已是第 2次幫襯,仲帶埋班朋友到場,不過當晚 Bosco冇入鏡。其實早在 06年, Bosco在無綫的官方週刊揀女神,一早揀咗楊崢,真係好邪喎!

Bosco早前在九龍城開了蠔吧 OysterMine,有不少圈中人如馬浚偉、陳法拉等都有幫襯。

上年 8月黃宗澤和楊崢曾在同一個派對上碰面,當時 Bosco還演出了一齣舞台劇,楊崢則在台下欣賞。

楊如芯飲醉訴苦

大 Bosco九年的楊崢,話咁快碼實男友個心,可見楊崢一向進取,正如其過往戀情史,有孿有直有老外甚多樣化。

05年 1月,楊崢以 7位數字酬金成為波爾表首位女性代言人;直至同年 5月,楊崢和太子女楊如芯 Sean被揭過從甚密,又可自由出入對方位於大坑的寓所,雖然事後楊崢否認緋聞,但被問到可抗拒同性拍拖,當時她說︰「唔知,我唔會歧視人哋。」

有傳黃宗澤媽咪唔喜歡 Bosco前女友胡杏兒,上週六( 8日)問到黃媽媽點睇楊崢,她就扮認錯人:「我唔係呀,認錯人喇!」好戲過個仔。

趙式芝:唔方便講

據知, 05年趙式芝跟現任同性「老婆」楊如芯尚未拍拖,而 Sean與楊崢卻已是非一般朋友關係。據社交界消息指,當時楊崢雖然知道對方喜歡女人,但為討好身為波爾表的太子女亦在所不計,當中傳涉及幾百萬的錢銀關係。「 Vanessa(楊崢)同 Sean嗰排行得好埋, Sean更會借車畀佢,後來唔知咩事分手, Sean好唔開心,晚晚未夠 9點已經飲醉酒,仲同啲朋友講分咗手,又話冇咗幾百萬!好彩冇幾耐 Sean就同咗 Gigi(趙式芝)一齊喇!」

記者週一( 10日)致電趙式芝,她起初聽錯楊崢是俞琤,輕鬆地答:「哈哈又唔關我事,問我做乜?」後來知道是楊崢後有點愕然:「哦!楊崢,真係唔知喎,我識楊崢,我唔方便同你講喎!」隨即收線。

之後記者致電 Sean,她聽到問題涉及楊崢後就表示:「我𠵱家唔方便講,你可唔可以半個鐘頭後再打嚟?」其後她冇再接電話。

波爾表太子女楊如芯

趙式芝(左)和楊如芯相戀 7年,前年於法國舉行同性婚禮,趙世曾卻極力反對。

05年楊崢以 7位數字酬金成為波爾表首位女性代言人。

金錢至上

講到楊崢情史,真係十隻手指至數得曬,個個前度都有家底,更有傳涉及金錢轇轕。由她出道做 model計起, 96年曾經同練海棠拍拖,傳因大貪年半就被飛,但分手後更繼續用男方的信用咭 shopping,後來練海棠與伍詠薇拍拖並結婚。

• 99年,有報道指楊崢疑介入黃佩霞與男友 Cosmo之間,當時黃佩霞已懷有身孕,仍堅持與 Cosmo分手,後來楊崢和 Cosmo亦無疾而終。

• 01年,楊崢與恭碩良被影到一齊入酒店,恭碩良更怒拆記者菲林兼用錢掟記者。之後楊崢搭上古天樂的禦用髮型師 Pius, 2人在蘭桂坊慶祝元旦。

• 05年楊崢突然轉性,與趙式芝現任老婆楊如芯過從甚密,可惜不久分開。兩年後楊崢戀上法籍男友 Patrick, 08年聯名買樓, 11年分手收半層樓「掟煲費」。

• 13年楊崢與新加坡地產富商,被發現在中環夜店態度親暱。

•去年尾和擁樓半億的黃宗澤撻著,本月被網友發現 2人在西貢拍拖錫錫,戲劇性公開戀情。

分法籍前度樓

楊崢與有米同性交往,黃宗澤未必介意,不過本刊發現楊崢曾分過舊男友半層樓, Bosco又知唔知呢?

原來楊崢 08年曾與法籍男友 Patrick聯名以 1,868萬購入西貢白沙灣花園一洋房連花園單位,兩年後 2人分手, Patrick再以個人名義,以 2,130萬買回同一單位,比首次買入時多出 262萬。不久後楊崢便在北角半山雲景道富麗園以 910萬買入 900呎單位,現已升值至 1,200萬,可謂賺完再賺。

楊崢於 07年搭上法國男友 Patrick,非常恩愛,大方雙雙出入寓所。《忽然 1周》圖片

《忽然 1周》圖片

'08聯名

據資料顯示,兩人於 08年聯名購入西貢白沙灣花園一單位,當時值 1,868萬。

'10獨資

不足兩年後 Patrick以 2千多萬買回同一單位。

'11買新樓

法籍前度獨資買回西貢愛巢後,楊崢於 11年 3月以和母親共同持有的公司,以 910萬買入雲景道一單位。而楊崢現住的鯉景灣單位,則是早於 01年以 268萬買入,現市值 909萬。

楊崢週一( 10日)如常返商台主持節目,但遇到記者則顯得閃閃縮縮,做完節目更使人駕走 Bosco的古董車,掩人耳目。

上週三( 5日)楊崢為金像獎提名記招擔任司儀時春風滿面,承認與 Bosco互相了解認識當中。

Bosco︰笑嚇就算

Bosco與楊崢撻著,前度胡杏兒就未有著落,惟有搵好姊妹胡定欣行街 hea時間。

楊崢週一( 10日)如常返商台主持節目,開咪前回應一籮籮情史時表示:「都唔係好複雜啫!我同 Sean係僱主員工關係,幫佢做代言人啫!唔明有咩錢銀轇轕,其實我係收錢做嘢,點會有轇轕?( Bosco知唔知?)佢好多時都係睇報道至知,呢啲唔係事實使乜講佢知啫!」

對於女友翻舊聞,本週一 Bosco話︰「做得呢行,都知道緋聞嘅嘢笑嚇就算,佢冇同我講,我冇睇亦冇問,總之𠵱家開心就得啦。」 Bosco咁叻仔有半億樓投資,實眉精眼企嘅。

機會主義者

楊崢 19年前參加超級模特兒大賽奪得冠軍, 8年前黃宗澤曾讚她是完美的美女。

楊崢早於 95年參加超級模特兒奪冠入行,出名轉數快又識把握時機轉型,幾乎瓣瓣掂。眼見模特兒生涯做唔長, 03年已投身電視圈,在亞視主持《開心大發現》,之後參加 TVB的《美女廚房》,從而開始主持多個玄學及飲食節目,包括與蔡瀾合作《蔡瀾逛菜欄》等;前年連電台都撈埋,主持商台《 1圈圈》。

近年韓流襲港,楊崢即以 K-Pop王自居,與韓國觀光社合作帶團往韓國釜山及首爾,及出席 Style Icon Awards 2013,更被委任為韓國國際榮譽大使。

楊崢近年與不少韓星混熟,權相佑訪港時曾與楊崢攬住合照。

做過唔少節目主持,楊崢可以話乜都肯試肯做。



鍾意就快D Share啦!


Related Posts Plugin for WordPress, Blogger...