2014年2月19日 星期三

[FACE 352] 甩林欣彤陳家樂直變攣 林欣彤,MF,




初演同志,半裸陳家樂望實演藝學院學生遊學修嘅眼神都幾 sweet,好大潛質擸埋一班同志 fans喎!

FBI

甩林欣彤陳家樂直變攣

當趙式芝寧願同老豆冷戰都要同「老婆」 Sean結婚,黃耀明、何韻詩又可以為同志權益企出嚟,今時今日同性戀要愛得光明正大先啱!好似英皇新仔,曾經被發現同林欣彤一杯咖啡兩份飲嘅陳家樂,最近亦嘗試演同性戀者。陳家樂平時斯斯文文成個怕醜仔,但最近幫衞生署「紅絲帶中心」拍咗套 45分鐘微電影《愛,不難》,宣揚預防愛滋病,下個月6號仲會喺百老匯電影中心特別放映兩場。

戲入面家樂仔同另一半、演藝學院學生遊學修,有唔少親熱場面,二人飾演一對 gay couple,除咗半裸上床攬錫,仲會一齊沖涼,可惜其中一方後來被驗出有愛滋病,分分鐘悲劇收場。

不過套戲非常健康,點到即止,肯定冇全裸咁激!另外仲有廖安麗、李楓等老戲骨撐場。 FBI聽聞如果套戲口碑好,好大機會會加場。其實攣直都好啦,幾時都要做足安全措施啦!

廖安麗飾演家樂仔另一半嘅母親,因接受唔到囝囝同性戀,兩母子經常面阻阻。

家樂仔嘅角色係銀行職員,為人樂觀,知男友同屋企關係唔好,都有幫手開解對方屋企人。資深演員李楓,就飾演其中的長輩。

事後煙

兩人踎喺窗台冧笑隊番支事後煙,好有默契!

演同志前,新秀出身屬英皇旗下藝人嘅家樂仔同林欣彤喺《 DIVA華麗之後》演一對,仲傳埋緋聞,據知二人拍過 1個月散拖。



鍾意就快D Share啦!
Related Posts Plugin for WordPress, Blogger...