掃呢頁CODE去手機

2014年3月14日 星期五

[忽然1周 972] 魔鬼胸冰火肉照色誘 城城 instagram傳情:愛的呼喚 蔚雨芯( Rainky 蔚雨芯,BKD_S,郭富城,城城,MW,




Rainky剛到南極拍攝旅遊特輯,乘機仲影埋泳衣相冧仔,一舉兩得。

娛樂喧

魔鬼胸冰火肉照色誘 城城 instagram傳情:愛的呼喚

48歲郭富城最近被指挑戰代溝極限,網溝 19歲𡃁模 Kabby(許雅婷),更被指連《金雞 SSS》的小雞「魔鬼胸」蔚雨芯( Rainky)、吳若希及詩雅都唔放過。

本刊收到消息,原來城城一早已𥄫中 20歲的「魔鬼胸」 Rainky,更頻頻在女方 instagram留言,大讚 Rainky歌藝。

周日( 9日),本刊發現 Rainky在微信上傳最新的南極三點式泳衣照,被問到城城是否要求睇「肉照」? Rainky直認︰「係有發性感相俾城城,佢讚我係 superwoman……」











最近城城被指在 instagram關注了 18名𡃁模,事件近日成為城中熱話。雖然 Kabby被傳為「新城嫂」,但據悉城城第一個關注的是「魔鬼胸」 Rainky,隨後他透過 Rainky的好友名單,才開始網溝其他𡃁模。

27/12 愛的呼喚

Rainky出席完《 CASH》綵排呻周公在「愛的呼喚」自己,城城即刻食住上,向 Rainky愛的呼喚。

28/12 大讚唱功

翌日出騷,城城在 instagram中代好友 Sunny向 Rainky say hi,又兩度讚她。

月初城城出席 Rainky有份主演的《微交少女》特別場,仲大讚 Rainky喊戲演得好!

拍攝火辣三點式時,當地只有零下十度,睇相就覺得冰火兩重天,唔知城城睇相時有冇「冰火」感覺。

兄弟排舞師扯線

去年 11月中,城城於亞洲電影節觀賞 Rainky主演的電影《微交少女》時,已經即場大讚電影比《狂舞派》好看。之後更在 instagram向 Rainky留言。據知城城是通過好兄弟排舞師 Sunny認識 Rainky,兩人私下交換了電話。有郭天王主動埋身, Rainky當然冧爆,兩人更秘密約會了多次。

「城城好兄弟 Sunny係 Rainky嘅排舞師, Sunny曾經喺城城面前讚 Rainky勤力,又話佢身形靚。去年尾城城開咗 instagram,開始關注 Rainky,仲公開讚佢唱歌好聽。

「後來兩人在排舞室見面,城城出曬冧功問 Rainky攞電話。後來城城多次約 Rainky食飯, Rainky最初都心大心細,驚兩人年紀相差 28年。最終佢都豁出去,唔少城城嘅朋友都見過 Rainky。」知情者透露。

同日( 9日), Rainky不停 send南極三點式俾「 Baby」, Baby更大讚她「 very beautiful」。

被問到是否「攻城」時, Rainky支吾以對,但亦不禁露出勝利笑容。

《金雞 SSS》大收,劇中吳若希、詩雅及 Rainky飾演的小雞,紛紛得到城城關注。

城城派定心丸

Sunny(中)是城城禦用排舞老師多年,和城城及小美都熟稔。

其實 Rainky與城城一直有約會,不過一個月前,因為她去了南極、日本及馬來西亞工作,未能陪城城,才令其他𡃁模有機可乘。據知近日城城被 Kabby爆大鑊後,即主動致電 Rainky解釋。

「城城誓神劈願話自己無辜,今次俾人借上位。現身在北京拍電影嘅城城,仲話返港便會搵佢,向佢大派定心丸。」知情者說。

周日( 9日), Rainky工作後到金鐘食午餐。剛從南極拍完旅遊特輯的 Rainky,除了和同行友人用 iPad分享自己的旅遊照片,亦不時用電話在微信狂發她在南極的「冰火」三點式照片。

記者就 Rainky與城城暗撻向她求證。 Rainky為保戀情,起初表現無奈,但經記者連番追問,最後亦承認曾發三點式相俾城城,但就力撐城城是「正人君子」。

記:見你 send啲 sexy相,係咪俾城城?

R:我 send咗俾好多朋友,係南極啲相,覺得啲相係一件壯舉。

記:咁城城有冇份?

R:我哋好好朋友,好正常,我都有 send俾佢望下。佢都幫我揀咗兩張……我覺得冇咩嘢。

記:佢有冇讚你?

R:佢好好,佢有話我係 superwoman。

記:你同城城識咗幾耐?

R:唔記得喇,之前係排舞老師 Sunny介紹。

記:起初佢開 instagram第一個關注嘅係你喎。

R:好正常啫!都係傾工作上嘅嘢。

記:佢睇完《微交少女》有讚你?

R:佢讚我喊戲做得好,但冇讚我牀戲,佢都係正人君子!

記:你接唔接受大過你嘅男仔?

R:隨緣,我自己接受到。

「魔鬼胸」講到明接受忘年戀,城城又點睇呢,嚇?

個個身材好

郭富城去年 4月與熊黛林結束 7年情後,緋聞就不斷出現。除了連續與苟芸慧及葉熙祺傳緋聞,單身近一年嘅城城,最近亦被指在 instagram溝 Kabby等 18位𡃁模。多名緋聞女友學歷、身高各有不同,唯一共通點統統身材好。

苟芸慧 34D

郭富城與苟芸慧因拍廣告而傳出緋聞,有指城城因苟芸慧而棄熊黛林。

葉熙祺 32C

城城去年 3月底個唱, 26歲內地模特兒葉熙祺秘密捧場,更被發現在城城寓所出入,但最後被城城以「過去式」來形容。

Kabby 33C

城城往 Kabby有份演出的舞台劇《伊甸》後台探班,因而傳出緋聞,但城城否認。



鍾意就快D Share啦!