插圖： Wendy
揞名爆
縮骨「大眼」扮有米
娛樂圈嘅人，通常身光頸靚，但事實係咪真係咁好景呢？ Well，以媽咪姐多年經驗，扮嘢居多囉！
好似近年返咗大陸搵食嘅「大眼」咁，就最鍾意舢舨充炮艇喇！話說好幾年前佢仲喺香港做緊偶像歌手嘅時候，有次去某名車專門店睇車。經紀見有明星到，梗係落力招呼，點知……傾傾嚇，忽然殺出幾個記者猛影相！經紀都俾啲閃光燈嚇一嚇，但「大眼」就好鬼 happy擺曬 pose，仲即場寫 cheque落訂，型到呢。
之但係，第二日經紀就發現「大眼」張 cheque彈票喎！佢即刻打俾「大眼」啦，結果係經理人接電話，猛話部車其實唔係咁好，又話要再揀嚇，跟手就話會俾五百蚊「利是仔」當補償喎。
嘩！話曬「大眼」睇嗰部真係超級名車，銀碼咁大，忽然話唔要，叫人點同公司交代先，依家俾五百蚊就想打發人？所以經紀火都嚟埋，即刻話自己都識好多傳媒朋友，嚇到「大眼」立即話俾番一萬蚊經紀做「手續費」。講真吖，世上冇 free lunch，「大眼」想扮嘢就咪咁孤寒
邊個係「大眼」？
•離開香港好耐，最近有喜事返過嚟。
•同「是非女皇」拍過拖嘅。
|
鍾意就快D Share啦！
|
|
|
