2014年3月14日 星期五

[忽然1周 972] 4月個唱銷情淡 脹爆 Sam狂練歌力谷 Sam,許冠傑,MW,




3月 9日 寒背現身

傍晚 6時許, Sam離開 band房。當日身穿鮮紅外套、頭戴橙帽的他精神不錯,但行起路來卻有些寒背。

娛樂喧

4月個唱銷情淡 脹爆 Sam狂練歌力穀

65歲歌神許冠傑( Sam)一向崇尚優質生活,除了不定期開個唱搵錢之外,與太太 Rebecca最愛 high tea遊車河。不過歌神最近又動起來,帶住兩子懷欣、懷穀四出宣傳 4月舉行的三場個唱。

歌神出山,老婆以行動支持,連日來充當阿四為老公做跑腿。上周六( 8日)中午親自駕車到大埔市中心超市買餸煮意粉,又託朋友買外賣原隻燒鵝,中西美食服侍老公,難怪 Sam開騷在即身形依然脹爆。然而個唱公開發售一星期,貴飛依然未售罄。同月舉行的蘇打綠演唱會,卻三場爆滿。 Sam於周日( 9日)下午罕有著上鮮紅外套及橙帽,到大埔私人 band房練歌四粒鐘。為個唱做好準備之餘,亦不忘靠「紅」催旺個唱。

歌神發威,希望錢會繼續嚟!











繼徐小鳳在紅館開個唱後,歌神許冠傑 4月亦在紅館開三場,早前帶住兩子懷欣懷穀四處宣傳。年屆 65歲的 Sam嘆慣食慣,肥了一個碼,不過歌神為個唱講明會積極跑步減肥,又話歡迎歌迷同佢嘴對嘴。

老婆探班

周日( 9日)下午二時許,許冠傑太太 Rebecca拎住一大袋用品,前往大埔禦泓居的私人 band房,當時 Sam正在內為個唱練歌。

自駕歸家

貴為歌神,但 Sam沒有聘請私人司機,當日他親自駕駛其 40萬寶馬房車返回康樂園寓所。



許冠傑是瘋狂豹紋迷,以往開騷他都以大量豹紋衫上陣。不過 4月的三場個唱,他聲言會盡量減少豹紋戰衣,給觀眾多點新鮮感。

記者本周二( 11日)到通利琴行查看 Sam個唱的銷情,發現只有最平的$200門票售罄。不過同月開騷的蘇打綠則三場全部爆滿。

老婆當跑腿

近日 Sam已積極備戰勤練歌,聲稱要減肥的他依然忍唔到口。上周六( 8日) Sam老婆 Rebecca獨自駕車從康樂園寓所出發,到大埔市中心超市買餸親自下廚慰勞老公,其後她拎住一大袋美食直返康樂園寓所,睇嚟歌神要食埋呢餐才減肥。

食飽瞓夠後, Sam翌日( 9日)下午二時許,到大埔禦泓居的私人 band房秘密練歌,不過當日並未見懷欣及懷穀到來,只見 Rebecca拎住一紅白藍大袋到 band房。至傍晚六時,終於見 Sam步出,戴住粗框眼鏡,捨棄至愛豹紋衫。當日他精神不錯,其後親自駕車直返康樂園寓所。

今次個唱又跳又唱仲賣咀嘴,有傳歌神搏老命是為撲水養家。據知許冠傑每月開支非常大,一家八口每月使費超過廿萬,知情人士透露:「 Sam向來都顧家,兩個仔玩音樂搞電影,搵錢唔多,有時都要 Sam支持嚇。要維持咁大頭家, Sam隔幾年就要出嚟搵錢,次次都捉埋懷欣懷穀上台,三父子拍住上。」除了食老本開個唱, Sam多年來都有投資房地產,去年 10月他把 04年買入的其中一幢康樂園獨立屋賣掉,成功套現二千二百九十萬。

3月 8日

歌神嘆中西美食

Sam唔止係歌神,仲係食神。為慰勞近月辛苦籌備個唱的 Sam, Rebecca上周六( 8日)先到大埔超市買材料煮意粉,之後再會合友人攞全隻外賣燒鵝。

巡迴返大陸

阿 Sam是次紅館僅開三場,可惜賣飛近一星期,銷情麻麻。記者本周二( 11日)到售票處查看,除了最平的$200門票售罄外,三場均有吉位。 Sam今次完成紅館三場個唱後,還會到澳門開兩場,隨即又到內地多個地方舉行巡迴演唱,票價預計最高 1,200人民幣。知情人士透露:「幾時都係返大陸搵人仔襟計, Sam喺大陸好有市場,年長歌迷俾得起錢,捧足咁多場。」睇嚟 Sam一心主攻大陸市場,搵人仔養家。

近年 Sam每次開騷都三父子拍住上,早前更由細仔懷穀負責拍 MV做宣傳。

兩年前 Sam大仔懷欣與太太生了一對孖仔,榮升爺爺的 Sam非常開心。為了一對乖孫未來生活富足,爺爺又開騷搵錢喇!

賣樓套現

本來坐擁兩幢大埔康樂園獨立屋的 Sam,去年 10月把手持 9年的其中一個單位賣出,帳面賺八百多萬。現時一家八口住在四千多呎的康樂園單位,全家擁有超過八架車,每月的家庭開支認真龐大。

主題個唱有心思

Sam由 73年至今,開了超過二十次演唱會,其中最多場次是 92年紅館舉行的《光榮引退演唱會》共 41場,及復出個唱《繼續微笑會歌神演唱會》共 38場,而每次個唱都有不同主題,歌神絕對有心思有誠意。



鍾意就快D Share啦!
Related Posts Plugin for WordPress, Blogger...