2014年3月14日 星期五

[忽然1周 972] DoDo姐 有 market MW,




媽咪姐

DoDo姐 有 market

媽咪姐呢日經過商台,離遠已經見到個中年麻甩揸住支花戙喺門口。咦,等緊邊個呢?八卦心起,陪麻甩等埋一份,睇嚇邊個係收花「女豬腳」?哇,竟然係 DoDo姐鄭裕玲!呢位花大叔送花時,仲細細聲示愛﹕「 DoDo,我好鍾意……聽你唱歌㗎!」咦,乜 DoDo有唱歌嘅咩?可惜 DoDo一副睬你都傻款,掉頭就走。真係估唔到年已 56嘅 DoDo姐,魅力依然沒法擋呀!

呢位花大叔喺門口企咗成粒鐘,就係為咗送支花俾 DoDo,認真夠誠意!

嘟姐同花叔叔隔呢個欄杆嘅距離可能係世界上最遙遠嘅距離!

DoDo望咗呢個叔叔一眼,花都唔接就掉頭走。阿叔呢個檸檬都食得好應嚇!

同場加映

平時少爺占鍾意夾埋當奴整蠱人,呢日佢做完節目後,一班妹妹仔粉絲已經喺商台門口等緊佢。影相簽名當然走唔甩,不過冇厘正經嘅少爺占,連影相都整古做怪瞇曬眼,交足表情。難怪唔係走偶像路線嘅佢,都可以吸納一班妹妹仔粉絲啦。



鍾意就快D Share啦!
Related Posts Plugin for WordPress, Blogger...