全城熱爆的娛樂八封新聞 & 時事趣聞 & 生活 + 趣聞
甘比手挽 Hermès Kelly Bag，一出 mother care就見到媽咪姐，馬上急步走。好彩保鑣身壯力健，挽住兩大袋 baby用品同人奶泵都追得切。
去年追仔成功嘅大劉女友甘比（陳凱韻），眨嚇眼囝囝 Joseph Junior已經一歲多啲啲，不過媽咪姐聽聞甘比呢個阿媽好稱職，今時今日仲餵緊人奶俾囝囝。 呢日，就喺銅鑼灣利園撞到甘比同保鑣掃富貴童裝，只見佢連掃 3、 4間 shop，全部有斬獲，大熱天時仲買羽絨俾囡囡秀樺㖭！掃完大堆新衫，甘比就入咗 mother care買人奶泵。發現鏡頭後，仲急急腳跑住閃，好怕醜喎。
點解就嚟夏天仲買羽絨？傻豬，有錢人幾時都可以飛去地球另一邊吹風。
撞啱 BB名店高層巡舖，店員即刻介紹甘比呢個大客俾佢識，好識做。
