全城熱爆的娛樂八封新聞 & 時事趣聞 & 生活 + 趣聞
周國豐正式拜詠春師傅江志強（黃衫）為師，當晚筵開十席搞拜師宴，跟足傳統儀式跪地斟茶。
周啟邦個仔周國豐，平日去 ball場官仔骨骨，言行舉止有如英國紳士，不過鍾情武術嘅佢，原來又好鬼支持中國傳統文化。周日（ 9日），正式拜詠春師傅江志強為師，同唐文龍做同門師兄弟。當晚拜師宴有成十席，周國豐做足跪地斟茶、封利是等拜師儀式，仲上台表演，佢笑笑口話︰「練咗好多個月，冇梁朝偉咁好，大家唔好笑。」
平日斯斯文文嘅周國豐，估唔到上台表演擊打木人樁嗰陣，出拳都幾好力。雙手瘀曬，果然練過嚇喎！
周國豐打木人樁打咗幾分鐘，打到爆曬汗，佢一落台即時攞餐巾印汗，力保紳士形象。
