掃呢頁CODE去手機

2014年3月14日 星期五

[忽然1周 972] Niki現形 圍記者跣男友 Niki,周麗淇,MW,




周小姐起初死都唔肯回應記者問題,但轉頭又 call番人,更出動人海戰術圍剿記者,一人一句玩單打!

媽咪姐

Niki現形 圍記者跣男友

一個人嘅人品係點,一時三刻可能睇唔清,但時間一耐,點都會現形囉!本刊記者前排去 function諗住問周麗淇( Niki)同男友徐正曦去美國旅行嘅事,記者未開口,周小姐看來一早收到風:「我知你哋問乜!你哋嘅話,我就唔做(訪問)㗎」當然藝人有權唔做訪問,咁記者亦尊重,惟有走囉。

記者走咗無耐,周小姐助手忽然致電記者,翻兜話做得。唉!記者為咗做好呢份工,局住翻轉頭。點知去到,等待記者嘅竟然係三塊 black face。平時笑騎騎嘅周小姐,仲勒令攝記熄機咪影相,再拉女記者埋一邊,呢一刻,記者話俾媽咪姐聽,差啲想問,使唔使舉高雙手轉身趴埋牆。周小姐、助手同經理人 Marianne當然冇回答記者問題,卻齊齊開炮,你一句我一句:「我知,你同男嗰邊(指徐正曦)熟吖嘛!你咪搞嗰邊囉!唔好搞我哋呢邊」嚇!媽咪姐心諗,乜周小姐你唔係同徐生熱戀緊嘅咩?有事起上嚟,竟然玩割席,你嘅愛情觀都好「特別」嚇喎!媽咪姐真係要開班好好教嚇啲世姪帶眼識人先!徐生,使唔使預你?

鏡頭前嘅 Niki都算人模人樣,點知鏡頭後係咁得人驚囉。

哈,周麗淇舊年 9月中俾《忽周》影到同徐正曦拖曬手仔時仲好 sweet喎,為乜咁快變臉呀?



鍾意就快D Share啦!