掃呢頁CODE去手機

2014年3月14日 星期五

[忽然1周 972] 爭紅館跨年黃金檔  Sammi撼贏宿敵千嬅 Sammi,許冠傑,Sam,楊千嬅,千嬅,鄭秀文,MW,




有輸有贏

Sammi和千嬅不和 18年,連番交手,各有輸贏。 Sammi上年金像獎輸俾宿敵,今次爭演唱會黃金檔期,終於贏番一仗。

娛樂喧

爭紅館跨年黃金檔  Sammi撼贏宿敵千嬅

每年紅館騷是紅星必爭之地,年尾跨年檔期更加爭持激烈。 18年來屢傳不和的鄭秀文( Sammi)和楊千嬅,近日為此檔期再次正面交鋒。

據知,已有四年冇開騷的千嬅,早前收到風宿敵 Sammi入紙申請紅館跨年檔,生完仔本已心癢癢復出樂壇的她,即頻頻搵好友幫拖爭檔期。日前記者發現千嬅相約林珊珊在銅鑼灣一餐廳密斟,眾人離開時,林珊珊直認幫千嬅搞演唱會。

雖然千嬅處心積慮,不過後台硬淨的 Sammi,終冧掂老闆嶽少(林建嶽),撼贏宿敵奪跨年騷檔期。至於輸家千嬅,只能排在 Sammi檔期之後。











老闆偏心

林建嶽一直視 Sammi為愛將,對她特別偏愛。有老闆射住,難怪 Sammi多年來一直在東亞企硬做一姐。

每年紅館除夕和農曆新年等黃金檔,冇番咁上下地位都好難搶到。如早前李克勤便開曬口不滿搶輸小鳳姐做農曆跨年騷,「論資歷譚生(譚詠麟)足夠啦,論票房我哋都冇問題,最後都輸俾小鳳姐。」

林珊珊幫拖

今年紅館跨年檔同樣競爭激烈,據知早前 Sammi和千嬅先後入紙申請。知情人透露:「 Sammi之前試過兩次都揀跨年騷嚟做,貪可以同歌迷玩倒數,氣氛好好多。佢開親騷每次起碼十場八場,次次 fans一日內秒殺啲飛,所以佢今次要攞跨年個期,東亞最初都話冇問題。」

原本 Sammi胸有成竹,近日卻出現變卦,據知與 Sammi有 18年積怨的楊千嬅,同樣吼實跨年檔期,尾隨 Sammi入紙之餘,更四出搵好友做說客,遊說老闆嶽少改變初衷。知情人透露:「千嬅同林珊珊喺華星嗰陣已經好 friend。上年珊珊入寰亞,原本千嬅都想擸佢入自己個 label,不過後尾傾唔成。千嬅最近個經理人辭職,珊珊好大機會接手千嬅嘅電影同唱片。所以今次千嬅要爭檔期,珊珊都出盡力去幫,一嚟為朋友,二嚟亦為省靚自己個招牌。」林珊珊近日不惜日𦧲夜𦧲,希望說服嶽少幫千嬅籌辦,據知她已搵定旗下伊健和草蜢做千嬅嘉賓作籌碼。

餐廳密斟

日前本刊拍得林珊珊和千嬅到銅鑼灣一餐廳密斟,其間珊珊不時面露凝重的神色。

坦承傾過

率先步出的林珊珊,回應記者問題時,坦承是與千嬅商討籌辦演唱會一事,更有意舉行跨年騷。

唔夾口供

千嬅死撐

其後步出的千嬅被問到與珊珊傾演唱會時說:「我哋傾拍戲之嘛。」後來更改口說係珊珊想為她辦演唱會,自己則想拍戲多啲,二人口供明顯有矛盾。

日前,千嬅約珊珊到銅鑼灣密斟。現場所見,千嬅在餐廳內對著林珊珊滔滔不絕,而林亦神色凝重地傾聽。二人傾了接近兩小時,率先步出餐廳的林珊珊,被問到會否幫千嬅搞演唱會時,她大方地說:「係呀,幫佢(楊千嬅)搞演唱會嘛。(係咪申請跨年騷?)係呀,係跨年騷。」對開演唱會一事,林珊珊有問必答,但當記者追問她是否和 Sammi爭檔期時,她即避忌地說:「係咩?冇聽過喎,我唔知呀……嘻嘻!」至於尾隨其後的千嬅聽到記者提演唱會事時,即煞有介事說:「咩呀?咩搞演唱會呀?傾拍戲之嘛。(林珊珊啱啱講咗會幫你喎?)佢想我開咋!」二人明顯唔夾口供。

落實俾 Sammi

人前老死

多年來, Sammi一直與千嬅人前老死,更試過搭膊頭互咀,但依然屢傳不和。

雖然生仔復出的千嬅,有林珊珊助陣,可惜日前東亞最終落實跨年騷會留俾 Sammi。「千嬅申請跨年騷,其實喺公司唔係咁多人知,不過消息就好快傳到 Sammi耳中。 Sammi知老闆一向睇佢,第一時間向對方詐型。咁嶽少覺得一嚟係 Sammi申請先,二嚟 Sammi賣飛有保證,所以最後親自出手擺平珊珊。老闆開到口,千嬅想爭都冇得爭」本刊致電東亞,發言人梁小姐表示:「冇話爭唔爭,各有各做。總之 Sammi同千嬅嚟緊都會開騷。」

紅館擇日開戰

近年香港樂壇一潭死水,只有演唱會仲有肉食,因此紅館檔是一眾歌星必爭之地,由現在至年尾便有 23個騷排隊輪住上場。

積怨 18年

自 95年出道起,楊千嬅已被指與鄭秀文甚為似樣,二人自此結下不解之緣,無論在事業或感情上都鬥個你死我活!

95年

楊千嬅被打造成翻版 Sammi入行。有傳當年 Sammi對千嬅說:「我真係覺得你好似我喎,不過唔該你減肥先」

00年

千嬅憑〈少女的祈禱〉力壓 Sammi的〈感情線上〉,勇奪「勁歌金曲金獎」,有傳 Sammi對賽果十分不滿。

03年

Sammi憑儍大姐形象殺出血路,電影叫好叫座,有傳千嬅割價至約 80萬接拍《新紮師妹》,希望追趕 Sammi。

08年

《東亞華星演唱會》慶功宴上, Sammi全程黐實老闆林建嶽,盡顯一姐地位,千嬅完全無機會埋身,高下立見。

13年

去年金像獎影後大熱門鄭秀文本來領先各候選人,但有傳千嬅發功討好老闆林建嶽,最後奪得影後寶座。宣布得獎一刻, Sammi拒絕拍手祝賀,還缺席公司慶功宴。



鍾意就快D Share啦!