2014年3月21日 星期五

[忽然1周 973] 宜家掃貨 鄭嘉穎鬼祟買姣咕𠱸 鄭嘉穎,MW,




媽咪姐

宜家掃貨 鄭嘉穎鬼祟買姣咕𠱸

五月將會返大台拍新劇《天眼》嘅鄭嘉穎,早前難得喺香港,仲去咗銅鑼灣宜家掃貨,幫屋企扮靚靚。之但係……粉紅色咕𠱸?紅色浴室地氈?











斷估唔會係佢用啩!將啲嘢揼完落架車仔後,向來警覺性高嘅佢,鬼鬼祟祟咁揞住面四圍望。吖,佢係驚俾人睇到買姣咕𠱸紅地氈?定係驚俾人話佢同人一齊用呢?

行咗差唔多一個鐘,鄭嘉穎推住兩大車嘢去埋單,俾完錢後眨嚇眼就唔見咗人囉。嗯……「阿婆走得快,一定有古怪。」

鄭嘉穎首先擸咗兩個粉紅大咕𠱸,之後再擸兩張浴室用嘅紅地氈,又紅又粉紅,似布置新房用多啲喎!

去埋單時,仲要揞口揞面,慌死人認得咁。唓,買嘢啫,為乜咁鬼祟。

舊愛周麗淇同強國小生徐正曦打得火熱,鄭嘉穎表面無聲無氣,但觀乎佢買嘅嘢,唔通暗藏玄機?



鍾意就快D Share啦!
Related Posts Plugin for WordPress, Blogger...