熱爆娛樂: [忽然1周 973] 日本女神走晒樣濱崎步華原朋美 MW,

2014年3月21日星期五

2014年

肥到漏嘅濱崎步，驟眼睇竟然有啲似香港嘅細細粒㖭。跟 13年寫真相比，簡直判若兩人。真係該煨咯！

唔怪得啲人話：時間係女人最大嘅敵人。尤其女藝人，真係寧可少食一餐都唔能夠缺少一樣保養工夫。好似日本嘅濱崎步同華原朋美咁，一個肥到發水麵包咁、一個就老態畢現，睇見都心驚。

濱崎步剛啱喺本月 3號宣布同細佢 10歲嘅美國嫩男結婚，雖然佢近年人氣大減，不過身形就日漸膨脹喎。話說早幾日， 35歲嘅佢喺日本綜藝節目表演時，一如以往，唱跳都很給力，但驚現一對麒麟臂同肥腩，真係慘不忍睹。

自從宣布嫁嫩男老外後，步姐不時拖住老外周圍去曬幸福。

2013年

修很大

早前步姐為新歌拍 MV，竟俾網友拍到等開機時嘅步姐肚凸腿粗（右圖）。但 MV出咗後，入面嘅步姐身形卻索到痹（左圖）。明顯事後修很大

濱崎步肥到變阿嬸，而當年被稱為「甜姐兒」嘅華原朋美走樣程度，同步姐不相伯仲。話說華原朋美自同小室哲哉分手後，曾經自暴自棄，啪丸、酗酒兼拍 AV，直到 12年終於「瞓醒」，為再戰江湖而努力。不過，上星期 39歲嘅華原為新專輯宣傳時，皮皺肉鬆，真係嚇壞粉絲。

2014年

遠睇見得人

近睇嚇壞人

華原朋美於新專輯宣傳活動上，雖然笑得一臉燦爛，但老態畢現囉。

2012年

12年底復出，因得前男友小室哲哉同台打氣，精神狀態不俗。

2009年

09年因酗酒及啪丸過度而中毒入院，被經紀人公司解約。

鍾意就快D Share啦！