熱爆娛樂: [忽然1周 973] 李思捷冇行　美魔女萬綺雯豬嘴等老公李思捷,萬綺雯,MW,

2014年3月21日星期五

由 98年嘅《我和殭屍有個約會》開始，蚊蚊就以 42吋「馬小玲」白滑長腿獨步武林，依家亞視仲第 N次翻播㖭！難怪李思捷對呢位人妻心鬱鬱囉。

近期時興選圈中唔識老嘅美魔女美魔男，見到佢哋天生異稟，真係令人鬼咁羨慕！就好似 43歲嘅蚊蚊萬綺雯咁，出曬名係凍齡美女，啱啱同 35歲嘅張繼聰喺大台劇集有感情戲，亦完全唔覺突兀。難怪連 39歲嘅「食女王」李思捷，都公開話過對蚊蚊有好感。

其他影片： >>萬綺雯豬嘴等老公

陳十三啱啱揸車返到屋企，蚊蚊已經喺花園獻上豬嘴等錫錫，引死人咩！

Yeah！終於錫到嘞！你睇蚊蚊錫到面都凹曬，幾肉緊。佢之前話同老公仲好似新婚，真係冇呃人囉。

陳十三

不過李生都係算罷早前媽咪姐先見蚊蚊喺西貢屋企門口等老公陳十三，仲寃氣到嘟定個嘴等老公錫錫。嘩，跟住兩公婆就好似南北極磁石一樣吸住咗。場面卡通得嚟，勁 sweet！

呢啲橋段一般膠劇睇唔到㗎，特別鳴謝結咗婚 14年嘅陳生陳太，親身示範俾我哋睇乜嘢叫情比金堅！

上完堂，著住短褲仔嘅蚊蚊殺入街市買餸，嘩，啲男人𥄫到眼都唔眨。陳十三真係好幸福！

想保持童顏，學新嘢都係好方法！呢日蚊蚊就去咗西貢學陶瓷，即係《人鬼情未了》嗰隻。佢學學嚇拉坯，著住條汙糟圍裙去入錶，好 casual。

早前萬綺雯貼咗張家族合照上微博，相中人相信係蚊蚊阿媽、阿姨同姊妹。個個都眉清目秀，優良 DNA啊。

早幾日，剪咗一頭短髮嘅萬綺雯同陳法蓉、陳煒返大陸做活動嘉賓。其實大 4年嘅陳法蓉算 keep得唔錯，係有啲估唔到陳煒原來細蚊蚊 3年啫。

鍾意就快D Share啦！