全城熱爆的娛樂八封新聞 & 時事趣聞 & 生活 + 趣聞
素顏嘅馬詩慧，戴埋眼鏡，加條鬢辮，仲要瞪大對眼，唔知 promoter姐姐有無嚇親呢？
馬詩慧（ Janet）同王敏德嘅長女王曼喜，早排俾人影到同鬼妹海旁咀嘴，即刻惹來斷背傳聞，好彩得媽咪力撐，表明最緊要阿女鍾意，愛係冇分男女。
思想開通嘅 Janet，近日亦被韓風感染，呢日媽咪姐喺銅鑼灣嘅 city’ super撞到佢企喺韓食 counter，望住啲茶雞湯，跟手又攞啲韓式辣醬睇嚇，最後問埋 promoter意見先撲槌買包雞湯返去俾老公補身。話時話，當日戴住頭箍嘅馬詩慧，仲紮咗條鬢辮，真係青春到有啲睇唔慣。 Janet Ma，型 look襯你啲喎！
話曬係一代名模，雖然生咗兩個，但執嚇都見得人㗎！
Janet做人做事都好嚴謹，問完 promoter一大輪，再攞埋份單張研究，阿媽真係唔易做。
今年 22歲嘅王曼喜，早前同鬼妹蒲完蘭桂坊，再到西環咀嘴。 Open！
