全城熱爆的娛樂八封新聞 & 時事趣聞 & 生活 + 趣聞
五月將會返大台拍新劇《天眼》嘅鄭嘉穎，早前難得喺香港，仲去咗銅鑼灣宜家掃貨，幫屋企扮靚靚。之但係……粉紅色咕𠱸？紅色浴室地氈？
斷估唔會係佢用啩！將啲嘢揼完落架車仔後，向來警覺性高嘅佢，鬼鬼祟祟咁揞住面四圍望。吖，佢係驚俾人睇到買姣咕𠱸紅地氈？定係驚俾人話佢同人一齊用呢？ 行咗差唔多一個鐘，鄭嘉穎推住兩大車嘢去埋單，俾完錢後眨嚇眼就唔見咗人囉。嗯……「阿婆走得快，一定有古怪。」
鄭嘉穎首先擸咗兩個粉紅大咕𠱸，之後再擸兩張浴室用嘅紅地氈，又紅又粉紅，似布置新房用多啲喎！
去埋單時，仲要揞口揞面，慌死人認得咁。唓，買嘢啫，為乜咁鬼祟。
舊愛周麗淇同強國小生徐正曦打得火熱，鄭嘉穎表面無聲無氣，但觀乎佢買嘅嘢，唔通暗藏玄機？
