掃呢頁CODE去手機

2014年3月13日 星期四

[壹週刊 1253] 無日安樂  91歲梅媽 遭執達吏逼遷 梅媽,梅艷芳,M1,




準備搬家的她執唔切包袱,日前被業主派執達吏下驅逐令,令她愁爆。對比數月前,今日的梅媽落曬形,幫手搬屋的 fans Eva,懇求業主給梅媽寬限。

探熱針

無日安樂  91歲梅媽 遭執達吏逼遷

為保障梅媽在世可以生活無憂,豐衣足食,阿梅生前將遺產交滙豐信託管理,壽臣山故居去年以一億四千萬元出售,遺物亦拍賣得一乾二淨,令原本乾塘的遺產再度水脹。近年要靠 fans接濟的梅媽,以為可以安樂,豈料售出資產遭破產管理人左扣右扣外,還被法庭頒令大屋搬細屋。

每月淨袋十幾萬家用日子不再,九十一歲的梅媽最近又因租約問題,業主不予寬限,出動「執達吏」逼遷。為此,一班阿梅 fans忍無可忍,開聲炮轟。

搬同區舊樓

上月法庭頒布滙豐信託於兩年前拖欠梅媽合共二百一十三萬元的生活費要「找數」,惟因梅媽被判破產,當中大部分生活費,都落入破產管理人手中,令梅媽最後實際只有十五萬元到手。此外,每月獲發放的十五萬家用,有過十萬被扣起還債,每月落袋的只得四萬八千元。生活費大縮水,梅媽亦被法庭頒令每月只獲提供二萬元以下的租金津貼,租住的雲地利道千呎寓所約滿後,便要大屋搬細屋。

阿梅故居即使賣過億,但破產梅媽生活費始終未能回復十年前,按阿梅遺囑每月給予母親七萬元生活費的意願。

住了數年的跑馬地雲地利道千呎單位亦於今年一月中已租約期滿,近日梅媽著手執拾細軟,準備搬到同區的舊樓。據了解,梅媽一度要求業主按上月法庭向滙豐的頒布,為她繳交租金至二月十九日,扣埋按金上期,梅媽便可在舊居多住兩個月,讓她有時間慢慢收拾。

月前飽滿

相信阿梅在天之靈,都唔想見到母親今日落得如斯田地。

法庭有寬限

上月法庭頒布要滙豐替梅媽的雲地利道寓所交租交到二月十九號。梅媽說:「咁扣埋按金同上期,做乜要我咁快搬。」

業主逼遷

但業主一方公事公辦,於一月中租約滿後,即於上週四派執達吏到梅媽家發驅逐令。

Fans幫口求情

對老邁梅媽的要求,業主一於揸正嚟做!上週五(三月七日),更出動「執達吏」上門,要梅媽於三月十三日搬走,否則封屋。

梅媽遭業主趕絕,一眾接濟開梅媽的阿梅 fans,亦睇唔過眼,認為法律不外乎人情,希望業主同破產管理人給九十一歲的梅媽寬限多一點時間。

「屋企雜物多,都俾啲時間個老人家執嘢。法庭都判滙豐幫梅媽交租交到二月,咁點解要佢咁急走呢!佢個女啲嘢乜都賣曬,滙豐信託多番咁多現金,但法庭仲要梅媽搬細屋,我哋好想問信託公司,究竟有冇遵從受託人意願,好好照顧梅媽。我相信阿梅絕對唔想見到今日梅媽咁嘅境況。」 Fans Eva說。

去年阿梅遺物以低價拍賣,賣剩的遺物,滙豐信託寧願掉到垃圾站,都不留下一件給梅媽做紀念。而阿梅 fans亦要擒入垃圾車尋回偶像的私信。

除了阿梅 fans出手接濟梅媽,多年來幫梅媽睇症的心臟科醫生王國耀,亦因不值滙豐之前不肯為梅媽找醫院數的所為,出手相助。

臨終前阿梅在遺囑中要求信託基金要保障母親一直的優質生活,包括每月七萬蚊家用,及必須提供一個司機、兩個傭人服侍等。

物業管理揸正做

記者致電負責梅媽雲地利道寓所的物業管理歡興有限公司,發言的李先生稱只是按合約辦事。

「法庭雖然叫滙豐交租交到二月,但其實租約係去到一月,我哋決定唔再租俾佢(梅媽),亦唔可以每個月續租,所以遲啲會將多收咗嘅租金俾番滙豐嗰邊。(梅媽係咪要求扣埋按金同上期,等佢有多兩個月時間準備離場?)我哋唔建議咁做,而破產管理人亦要求將剩低嘅按金同上期俾番佢哋!不過我哋都要成功收番間屋先俾。」

梅媽因與孫仔及兩個傭人,五隻阿梅遺留的愛犬同住,故一屋雜物,要二百個紙皮箱才能盛載一切。

去年底,阿梅一眾好友為她籌備紀念演唱會,搞得有聲有色。完場後梅媽向他們鞠躬感謝。



鍾意就快D Share啦!