2014年3月27日 星期四

[壹週刊 1255] 打底王失手 楊千嬅露南半球 楊千嬅,千嬅,BKD_S,M1,




同你吟一吟

打底王失手 楊千嬅露南半球

星期一(三月二十四日)灣仔會展舉行《香港國際影視展 2014》,彭浩翔新作《香港仔》,有份成為「第 38屆香港國際電影節」開幕作品之一,兩位女主角楊千嬅、梁詠琪一日之內走三場,為新戲做足宣傳。

不過無論高妹 GiGi點樣落力扮靚,始終唔及楊千嬅露半球咁出位。出名圈中打底王,莫講話打底褲,影到佢走光見事業線,難度去到 9.99分,點知《香港仔》第一場嘅發布會,千嬅件交叉帶上身衫因為唔夠貼身,南半球連缽仔糕邊,睇曬!

知道自己走光,千嬅點都唔信:「半『楷』,你估橙咩,我有膠紙打底㗎!」有圖有真相,人妻行性感路線一向有市場,謝安琪、羅霖都有高登巴打俾 like,千嬅半球初現,分分鐘殺出新血路!

交叉帶上衣唔夠貼身,楊千嬅企直個身都走光,笑到彎腰的話,南半球直頭睇曬!

知道出事之後,千嬅一坐低,就搵大褸遮肚。

到咗夜晚首映禮,千嬅 tube dress最安全,而佢身旁嘅 GiGi更加小心,只係露對手臂,包唔會走光。

同《香港仔》一齊成為電影節開幕作品嘅《那夜淩晨,我坐上了旺角開往大埔的紅 van》,兩位女主角惠英紅同 Janice Man,盛裝出席首映禮,仲話套戲因為被列為三級,唔小心做咗三級女星。

今屆影視博覽,古天樂最忙,除咗要幫《香港仔》做宣傳,另外仲有《 Z風暴》以及同千嬅加仔仔周渝民合作嘅《單身男女 2》,每個活動都換上唔同衫見傳媒,辛苦曬!



鍾意就快D Share啦!
Related Posts Plugin for WordPress, Blogger...